رئیس امروہوی کے 30 اشعار ۔۔۔۔ انتخاب حسین حیدر (ری…

رئیس امروہوی کے 30 اشعار ۔۔۔۔ انتخاب حسین حیدر (ریختہ)
..

1۔
کانٹوں سے فگار اُنگلیاں ہیں
ملبوسِ بہار ۔۔۔ سی رہا ہوں
2۔
دیارِ شاہدِ بلقیس ادا سے آیا ہوں
میں اک فقیر ہوں۔۔۔ شہرِ صبا سے آیا ہوں
3۔
ہر عہد کی شہریت سے محروم
ہر شہر میں بے وطن ہیں ۔۔۔ ہم لوگ
4۔
جہاں کو جن کے نصیبے پہ رشک آتاتھا
نکل کے اپنے گھروں سے وہ بدنصیب چلے
5۔
تنگ ہیں ہم پر زمین و آسماں
چل کہیں اے دل ۔۔۔ مگر اے دل کہاں
6۔
اے سکھی !!!! جل جا بِرہ کی آگ میں
تا بیاید از تنِ تو بوئے جاں
7۔
تیرِ ستم کی ذد پہ سہی ۔۔۔۔ یہ خوشی تو ہے
کیا کیا چبھے ہیں سینہء اہلِ ستم میں ہم
8۔
سالارِ کاروانِ وفا ۔۔۔ منتخب ہوئے
ہجرت زدوں کے لشکرِ اندوہ و غم میں ہم
9۔
کہہ دو رئیس کتبہ نویسانِ قبر سے
شامل نہیں تجارتِ اہلِ قلم میں ہم
10۔
اے ہوائے شمال و بادِ جنوب!!!
اُس پری زاد کا کہاں ہے وطن
11۔
بول اے اخترِ غنودہء صبح!!!
کوئی راتوں میں جاگتا تو نہیں
12۔
تم لوگ ہو آندھیوں کی زد میں
میں قحطِ ہوا سے مر رہا ہوں
13۔
اُن سے ہم بچھڑے تھے دم بھر کو رئیس!
عمر بھر احساسِ محرومی رہا
14۔
میں نے پوچھا کہ خانوادہء قیس!
گفت قومے ضعیف و زارو نژند
15۔
ساقی کے بندو بست سے رندانِ کم طلب
تنگ ائے اس قدر ۔۔۔ کہ بلا نوش ہو گئے
16۔
تمہیں شکستہ دلوں کا خیال ہی تو نہیں
خیال ہو تو کرم کے ہزار ہا ۔۔۔ پہلو
17۔
جس طرف بھی کیا سفر ہم نے
اسی فتنہ طراز تک پہنچے
18۔
رئیس ان کی جوانی بھی کیا جوانی تھی
رئیس ان کا زمانہ بھی کیا زمانہ تھا
19۔
لذتِ کشانِ ساغر عشرت کو کیا خبر؟
رنجِ خمار ۔۔ تلخیِ کام و دہن سے پوچھ
20۔
پہلی ہی بوند پہ توبہ کے قدم کانپ اُٹھے
کھل کے برسیں یہ گھٹائیں تو مزہ آ جائے
21۔
شکستِ نَے ہے قیامت مگر یہ سوچ رئیس
کہ نَے نواز پہ کیا کچھ گزر گیا ہوگا
22۔
اعدادِ سنگ میل ہیں گمراہ کُن بہت
یارو!!! قدم قدم پہ شمارِ قدم کرو
23۔
ہم خزاں کے مزاج داں ہیں رئیس
ہم پہ عہدِ بہار گزرا ہے
24۔
شگافِ سنگ سے ابھرا ہے لالہء کُہسار!
یہ کوہ کن کا کوئی زخمِ خونچکاں تو نہیں ؟؟؟
25۔
کتنی مغرور ہے نسیمِ سحر
شاید اُس آستاں سے آتی ہے
26۔
ان کے قاصد کا منتظر ہوں میں
اے اجل!!!! تُو کہاں سے آتی ہے
27۔
کتنی صبحیں تھیں کہ نذرِ فکرِ دُنیا ہو گئیں
کتنی شامیں تھیں کہ غرقِ جامِ صہبا ہو گئیں
28۔
جوشِ وحشت نے بیاباں کو کیا یوں برباد
خاک باقی نہ رہی ۔۔ خاک بسر ہونےت ک
29۔
صبح نو۔۔۔ ہم تو ترے ساتھ درخشاں ہوں گے
اور ہوں گے ۔۔ جو ہلاکِ شبِ ہجراں ہوں گے
30۔
ستم ظریف زمانے نے چن لیا ہم کو
گرانیِ نفس و گرمیِ نوا کے لیے