”تیرے ھونٹوں کا لَمس“ تیرے رنگیں ، رَس بَھرے ھونٹ…

”تیرے ھونٹوں کا لَمس“

تیرے رنگیں ، رَس بَھرے ھونٹوں کا لَمس
جس سے میرا جسم ، طوفانوں کا جَولاں گاہ ھے
جس سے میری زندگی ، میرا عمل گمراہ ھے
میری ذات ، اور میرے شعر افسانہ ھیں.

تیرے رنگیں رَس بھرے ھونٹوں کا لَمس
اور پھر ”لمسِ طویل“
جس سے ایسی زندگی کے دن مجھے آتے ھیں یاد
میں نے جو اب تک بسر کی ھی نہیں.
اور ایک ایسا مقام
آشنا جس کے نظاروں سے نہیں میری نگاہ.

تیرے اک لمسِ جنوں انگیز سے
کیسے کُھل جاتی ھے کرنوں کی اک شاھراہ
کیسے ھو جاتی ھے، ظلمتِ تیزگام
کیسے جی اُٹھتے ھیں آنے والے ، ایامِ جمیل.

تیرے رنگیں رَس بَھرے ھونٹوں کا لَمس
جس کے آگے ھیچ جرعاتِ شراب
یہ سنہری پھل ، یہ سیمیں پھول مانندِ سَراب
سوزِ شمع و گردشِ پروانہ گویا داستاں
نغمہء سیارگاں، بے رنگ و آب
قطرۂ بے مایہ طغیانِ شباب۔

”ن.م.راشد“

بشکریہ
https://www.facebook.com/Inside.the.coffee.house