توں محنت کر تے محنت دا صلہ جانے خدا جانے
تو ڈیوا بال کے رکھ چا، ہوا جانے ۔۔۔۔۔۔۔ خدا جانے
خزاں دا خوف تاں مالی کوں بزدل کر نہیں سگدا
چمن آباد رکھ ، بادِ صبا جانے ۔۔۔۔۔۔ خدا جانے
مریضِ عشق خود کو کر، دوا دل دی سمجھ دلبر
مرض جانے ، دوا جانے ، شفا جانے ، خدا جانے
جے مَر کے زندگی چہندیں ، فقیری ٹوٹکا سُن گھِن
وفا دے وچ فنا تھی ونج ۔۔۔۔۔۔۔۔۔ بقا جانے خُدا جانے
اے پوری تھیوے نہ تھیوے۔۔ مگر بیکار نئیں ویندی
دُعا شاکر توُں منگی رکھ ، دُعا جانے ، خُدا جانے
(شاکر شجاع آبادی )
جواب دیں
تبصرہ کرنے سے پہلے آپ کا لاگ ان ہونا ضروری ہے۔