آ ، سازِ گلستاں کو بہ مضرابِ خار چھیڑ
مطرب !! کوئی ترانہ بیادِ بہار چھیڑ
سوئے ھُوئے سکوتِ چمن کو ذرا جگا
کچھ تو نواطرازِ غمِ روزگار چھیڑ
کل یہ جگہ تھی ، وادئ نکہت ، رباب اُٹھا
کل یاں ھجومِ گل تھا ، سرودِ بہار چھیڑ
قصہ کوئی بہ ماتمِ جام و سبو سنا
نغمہ کوئی بہ تعزیتِ سبزہ زار چھیڑ
کچھ بھی نہ ھو ، خزاں تو ھے ، اِک راگنی الاپ
ھر خَس ھے ایک سازِ نوا درکنار چھیڑ
شاید پلٹ کے آ نہ سکے اب بہار ، گا
پُژمردہ شاخسار پہ جُھک کر ، ستار چھیڑ
”مجید امجد“
بشکریہ
https://www.facebook.com/Inside.the.coffee.house
جواب دیں
تبصرہ کرنے سے پہلے آپ کا لاگ ان ہونا ضروری ہے۔