پیر • 5 اکتوبر 2026ء
📚 کتب خانہ ۱۴۸٬۸۹۴

تمنّــا کا ســایـہ دَری کے نیچے سے نکلے گرد و غب…

تمنّــا کا ســایـہ

دَری کے نیچے سے نکلے
گرد و غبار میں
میرے قدموں کا نشان پڑا مِلا ہے
نشان ۔۔۔ جو میں نے پچھلی کسی صدّی میں
وقت کی دَری کے نیچے دبا دیا تھا
دَبا دیا تھا ؟
یا تمنّــا کی کسی نئی بار یابی کے لئے
بو دیا تھا
مگر دَری کے نیچے سے
دریافت ہونے والا نشان
وقت پہَن کر
سفر کی پاے زیب بجاتے بجاتے
سُوکھے چمڑے سا اکڑ گیا ہے
مجھے اپنے پَیروں پہ وہ نشان
کسی بُوڑھی آتما کی طرح خوف زدہ کر رہا ہے

( ثــروتؔ زہرا )