دے دید تے کھلے اَکھ میری میں مِنتاں کر کر ہاری۔۔۔ …

دے دید تے کھلے اَکھ میری
میں مِنتاں کر کر ہاری۔۔۔
توڑ گیا دل دلبر میرا
تے میں رہ گئی کلی کاری۔۔۔
باغ تیرے دِی کر کر راکھی
میں اے عمر گذاری۔۔۔
اٹھے پہر و ہجر وچ گھلدی
وچ جی رہندی بیزاری۔۔۔
کون ایں توں تے کون آں میں
گل دس جا اے اک واری۔۔۔
پار لنگھا مینوں عشق دے راہیں
نہیں تے کس کم دی اے یاری۔۔۔
ہجر تیرے میرا تن من لٹھیا
دل روندا اے زارو زاری۔۔۔
تن رقص کنم دل مست الست
میری ہوش گئی جے ساری۔۔۔
دِلبر مینوں ملدا ناھیں
میں مِنتاں کر کر ہاری