سید خاندان میں آنکھ کھولنے والے سیّد سبط علی صباء نے صرف چوالیس برس عمر پائی۔۔۔عمر کا زیادہ حصہ افواجِ پاکستان میں گزرا۔۔۔بعد میں واہ آرڈیننس فیکٹری میں فرائض سنبھالے ۔۔ آپ کا آبائی شہر سیالکوٹ تھا۔۔ان کی ایک غزَل ملاحظہ کیجئے
حق بات عدالت میں روا ہی نہیں ہوتی
ماں کے لیے بیٹوں کی گواہی نہیں ہوتی
اس شہر کے لوگوں سے اماں مانگ رہا ہوں
جس شہر میں قاتل کو سزا ہی نہیں ہوتی
یہ کہہ کے زمیں زادیاں گھر سے نکل آئیں
اشراف کے سر پر تو رِدا ہی نہیں ہوتی
مصلوب کوئی جھوٹ پہن کر نہیں ہوتا
سچائی کی مجروح انا ہی نہیں ہوتی
کس طرح کروں زحمتِ مہمان نوازی
بچّوں کے لئے گھر پہ غذا ہی نہیں ہوتی
…
حکیم خلیق الرحمان
