ﻧﺼﯿﺮؔ ﺗﺮﺍﺑﯽ
ﺩﯾﮑﮫ ﻟﯿﺘﮯ ﮨﯿﮟ ﺍﺏ ﺍُﺱ ﺑﺎﻡ ﮐﻮ ﺁﺗﮯ ﺟﺎﺗﮯ
ﯾﮧ ﺑﮭﯽ ﺁﺯﺍﺭ ﭼﻼ ﺟﺎﺋﮯ ﮔﺎ ﺟﺎﺗﮯ ﺟﺎﺗﮯ
ﺩِﻝ ﮐﮯﺳﺐ ﻧﻘﺶ ﺗﮭﮯ ﮨﺎﺗﮭﻮﮞ ﮐﯽ ﻟﮑﯿﺮﻭﮞ ﺟﯿﺴﮯ
ﻧﻘﺶِ ﭘﺎ ﮨﻮﺗﮯ ﺗﻮ ﻣﻤﮑﻦ ﺗﮭﺎ ﻣﭩﺎﺗﮯ ﺟﺎﺗﮯ
تھی کبھی راہ جو ہمراہ گُزرنے والی
اب حذر ہوتا ہے اس راہ سے آتے جاتے
ﺷﮩﺮِ ﺑﮯ ﻣﮩﺮ ﮐﺒﮭﯽ ﮨﻢ ﮐﻮ ﺑﮭﯽ ﻣﮩﻠﺖ ﺩﯾﺘﺎ
ﺍﯾﮏ ﺩﯾﺎ ﮨﻢ ﺑﮭﯽ ﮐِﺴﯽ ﺭُﺥ ﺳﮯ ﺟﻼﺗﮯ ﺟﺎﺗﮯ
ﭘﺎﺭۂ ﺍﺑﺮ ﮔﺮﯾﺰﺍﮞ ﺗﮭﮯ ﮐﮧ ﻣﻮﺳﻢ ﺍﭘﻨﮯ
ﺩُﻭﺭ ﺑﮭﯽ ﺭﮨﺘﮯ ﻣﮕﺮ ﭘﺎﺱ ﺑﮭﯽ ﺁﺗﮯ ﺟﺎﺗﮯ
ہر گھڑی اِیک جدا غم ہے جدائی اُس کی
غم کی میعاد بھی وہ لے گیا جاتے جاتے
ﺍُﺱ ﮐﮯ ﮐﻮﭼﮯ ﻣﯿﮟ ﺑﮭﯽ ﮨﻮ ﺭﺍﮦ ﺳﮯ ﺑﮯ ﺭﺍﮦ ﻧﺼﯿﺮؔ
ﺍﺗﻨﮯ ﺁﺋﮯ ﺗﮭﮯ ﺗﻮ ﺁﻭﺍﺯ ﻟﮕﺎﺗﮯ ﺟﺎﺗﮯ
المرسل: فیصل خورشید
