جانے والے کبھی نہیں آتے
جانے والوں کی یاد آتی ہے
….
سکندر علی وجدؔ کا یومِ ولادت
22؍جنوری 1914.
(پیدائش: 22 جنوری، 1914ء- وفات: 16 جون، 1983ء)
منتخب اشعار
خدا شاہد ہے میرے بھولنے والے بہ جز تیرے
مجھے تخلیق عالم رائیگاں معلوم ہوتی ہے
—
حسیں یادوں سے خلوت انجمن ہے
خموشی نغمہ زار صد سخن ہے
—
تمیزِ خواب و حقیقت ہے شرطِ بیداری
خیال عظمتِ ماضی کو چھوڑ حال کو دیکھ
—
اہل ہمت کو بلاؤں پہ ہنسی آتی ہے
ننگ ہستی ہے مصیبت میں پریشاں ہونا
—
بہار آئے تو خود ہی لالہ و نرگس بتا دیں گے
خزاں کے دور میں دل کش گلستانوں پہ کیا گزری
—
کیف جو روح پہ طاری ہے تجھے کیا معلوم
عمر آنکھوں میں گزاری ہے تجھے کیا معلوم
—
ہجوم جلوہ بد اماں ادائے خود بینی
نگاہ صبر سے آرائش جمال کو دیکھ
——
نشانِ شمعِ محفل ہے نہ خاکِ اہلِ محفل ہے
سحر اب پوچھتی ہے رات پروانوں پہ کیا گزری
——
کسی کی جستجو میں وجدؔ اس منزل پہ پہنچا ہوں
جہاں منزل بھی گرد کارواں معلوم ہوتی ہے
—
شمیم زلف یار آئے نہ آئے
مرے دل کو قرار آئے نہ آئے
—
ازل سے وجدؔ ہر قطرے کے دل میں
قیامت خیز طوفاں موجزن ہے
…..
عجب آرزو ہے انوکھی طلب ہے
تجھی سے تجھے مانگنا چاہتا ہوں
——
تھوڑی سی خودی سے گر لے کام
خود شمع پھرے آ کر گردِ پروانہ
——
نگاہِ منتظر آفتاب تازہ ہے
عروس صبح ستاروں کی سوگوار نہیں
——
کہیں موسمِ بہاراں ، کہیں زندگی غزل خواں
ترے حسن کی بدولت ، مرے شعر کے اثر سے
——
وہ چہرہ منور وہ آنکھیں شرابی
شب ماہ میں پھول جیسے کنول کے
——
جب وہ مُسرور نظر آتا ہے
ہر طرف نور نظر آتا ہے
۔۔۔۔۔۔۔۔۔۔۔۔۔۔۔۔
پوچھتی ہے نگاہ قاتل کی
جان نکلے کہ آرزو دل کی
۔۔۔۔۔۔۔۔۔۔۔۔۔۔۔۔
اہلِ ہمت کو بلاؤں پہ ہنسی آتی ہے
ننگِ ہستی ہے مصیبت میں پریشاں ہونا
۔۔۔۔۔۔۔۔۔۔۔۔۔۔۔۔
دل کی بستی عجیب بستی ہے
یہ اُجڑنے کے بعد بستی ہے
۔۔۔۔۔۔۔۔۔۔۔۔۔۔۔۔
ترے سوا اے جہانِ اُلفت کلام بھاتا نہیں کسی کا
تجھے یقیں آئے یا نہ آئے یہ راز ہے میری خامشی کا
===
یہ راز اہل ہوس کی سمجھ میں آ نہ سکا
جو پاس آ نہ سکا تجھ سے دُور جا نہ سکا
۔۔۔۔۔۔۔۔۔۔۔۔۔۔۔۔
نگاہوں سے دل میں سمائے چلا جا
یونہی میری ہستی پہ چھائے چلا جا
۔۔۔۔۔۔۔۔۔۔۔۔۔۔۔۔
پر کَسے تھے رشتۂ تقدیر سے
کُھل گئے اِک جُنبش تدبیر سے
۔۔۔۔۔۔۔۔۔۔۔۔۔۔۔۔
غمِ زندگی گوارا تری مستیٔ نظر سے
مری رفعتِ تخیل ہے شکستِ بال و پر سے
۔۔۔۔۔۔۔۔۔۔۔۔۔۔۔۔
شعلہ ہی نہیں جوانی کا
عشق حاصل ہے زندگانی کا
۔۔۔۔۔۔۔۔۔۔۔۔۔۔۔۔
چہرۂ بے نقاب نے مارا
اُداس تھے،آفتاب نے مارا
۔۔۔۔۔۔۔۔۔۔۔۔
دن رات ظرفِ وقت میں ڈھلتی ہے زندگی
مٹتی نہیں ۔۔۔۔۔۔۔ لباس بدلتی ہے زندگی
۔۔۔۔۔۔۔۔۔۔۔۔۔۔۔۔۔۔
تعبیر جس کو موت سے کرتے ہیں بے خبر
تبدیلیء مقام ہے ۔۔۔۔۔۔مرتا نہیں کوئی
دریائے زندگی ہے دما دم رواں دواں
ڈوبے بغیر ۔۔۔۔پار اترتا نہیں کوئی
۔۔۔۔۔۔۔۔۔۔۔۔۔۔۔
تصویر کائنات ابھی ناتمام ہے
قدرت کو روز نقش بدلنے سے کام ہے
………………
خوش جمالوں کی یاد آتی ہے
بے مثالوں کی یاد آتی ہے
باعثِ رشک مہر و ماہ تھے جو
ان ہلالوں کی یاد آتی ہے
جن کی آنکھوں میں تھا سرورِ غزل
ان غزالوں کی یاد آتی ہے
جن سے دنیائے دل منّور تھی
ان اُجالوں کی یاد آتی ہے
سادگی لا جواب ہے جن کی
ان سوالوں کی یاد آتی ہے
ذکر سنتے ہی نوجوانی کا
کچھ خیالوں کی یاد آتی ہے
جانے والے کبھی نہیں آتے
جانے والوں کی یاد آتی ہے
وجدؔ لطفِ سخن مبارک ہو
با کمالوں کی یاد آتی ہے
….
بیابانوں پہ زندانوں پہ ویرانوں پہ کیا گزری
جہان ہوش میں آئے تو دیوانوں پہ کیا گزری
دکھاؤں تجھ کو منظر کیا گلوں کی پائمالی کا
چمن سے پوچھ لے نوخیز ارمانوں پہ کیا گزری
بہار آئے تو خود ہی لالہ و نرگس بتا دیں گے
خزاں کے دور میں دل کش گلستانوں پہ کیا گزری
نشان شمع محفل ہے نہ خاک اہل محفل ہے
سحر اب پوچھتی ہے رات پروانوں پہ کیا گزری
ہمارا ہی سفینہ تیرے طوفانوں کا باعث تھا
ہمارے ڈوبنے کے بعد طوفانوں پہ کیا گزری
میں اکثر سوچتا ہوں وجدؔ ان کی مہربانی سے
یہ کچھ گزری ہے اپنوں پر تو بیگانوں پہ کیا گزری
——
جنوں میں موج برق کا جو رخ ذرا بدل گیا
غبار نور شعلہ بار پیکروں میں ڈھل گیا
خودی کی جب ہوا چلی تو سب کا دل مچل گیا
کوئی ادھر نکل گیا کوئی ادھر نکل گیا
ابھی چھڑا نہیں ربابِ داستان زندگی
عدم کی گرد میں نہاں ہے کاروان زندگی
انھیں میں تھی زمین بھی ایک شعلہ شرر فشاں
بجھی ہزارہا برس میں مدتوں اٹھا دھواں
یہ رات جب کٹی تو کوہ و دشت و جو ہوئے عیاں
دیا سمندروں کو آفتاب نے پیام جاں
بنی اسی عمل سے سطح آب کان زندگی
عجیب شان سے رواں ہے کاروان زندگی
کھلی ہے مدتوں کے بعد اب زبان زندگی
عدم کے بت کدے میں دی گئی اذان زندگی
…………………….
جانے والوں کی یاد آتی ہے
….
سکندر علی وجدؔ کا یومِ ولادت
22؍جنوری 1914.
(پیدائش: 22 جنوری، 1914ء- وفات: 16 جون، 1983ء)
منتخب اشعار
خدا شاہد ہے میرے بھولنے والے بہ جز تیرے
مجھے تخلیق عالم رائیگاں معلوم ہوتی ہے
—
حسیں یادوں سے خلوت انجمن ہے
خموشی نغمہ زار صد سخن ہے
—
تمیزِ خواب و حقیقت ہے شرطِ بیداری
خیال عظمتِ ماضی کو چھوڑ حال کو دیکھ
—
اہل ہمت کو بلاؤں پہ ہنسی آتی ہے
ننگ ہستی ہے مصیبت میں پریشاں ہونا
—
بہار آئے تو خود ہی لالہ و نرگس بتا دیں گے
خزاں کے دور میں دل کش گلستانوں پہ کیا گزری
—
کیف جو روح پہ طاری ہے تجھے کیا معلوم
عمر آنکھوں میں گزاری ہے تجھے کیا معلوم
—
ہجوم جلوہ بد اماں ادائے خود بینی
نگاہ صبر سے آرائش جمال کو دیکھ
——
نشانِ شمعِ محفل ہے نہ خاکِ اہلِ محفل ہے
سحر اب پوچھتی ہے رات پروانوں پہ کیا گزری
——
کسی کی جستجو میں وجدؔ اس منزل پہ پہنچا ہوں
جہاں منزل بھی گرد کارواں معلوم ہوتی ہے
—
شمیم زلف یار آئے نہ آئے
مرے دل کو قرار آئے نہ آئے
—
ازل سے وجدؔ ہر قطرے کے دل میں
قیامت خیز طوفاں موجزن ہے
…..
عجب آرزو ہے انوکھی طلب ہے
تجھی سے تجھے مانگنا چاہتا ہوں
——
تھوڑی سی خودی سے گر لے کام
خود شمع پھرے آ کر گردِ پروانہ
——
نگاہِ منتظر آفتاب تازہ ہے
عروس صبح ستاروں کی سوگوار نہیں
——
کہیں موسمِ بہاراں ، کہیں زندگی غزل خواں
ترے حسن کی بدولت ، مرے شعر کے اثر سے
——
وہ چہرہ منور وہ آنکھیں شرابی
شب ماہ میں پھول جیسے کنول کے
——
جب وہ مُسرور نظر آتا ہے
ہر طرف نور نظر آتا ہے
۔۔۔۔۔۔۔۔۔۔۔۔۔۔۔۔
پوچھتی ہے نگاہ قاتل کی
جان نکلے کہ آرزو دل کی
۔۔۔۔۔۔۔۔۔۔۔۔۔۔۔۔
اہلِ ہمت کو بلاؤں پہ ہنسی آتی ہے
ننگِ ہستی ہے مصیبت میں پریشاں ہونا
۔۔۔۔۔۔۔۔۔۔۔۔۔۔۔۔
دل کی بستی عجیب بستی ہے
یہ اُجڑنے کے بعد بستی ہے
۔۔۔۔۔۔۔۔۔۔۔۔۔۔۔۔
ترے سوا اے جہانِ اُلفت کلام بھاتا نہیں کسی کا
تجھے یقیں آئے یا نہ آئے یہ راز ہے میری خامشی کا
===
یہ راز اہل ہوس کی سمجھ میں آ نہ سکا
جو پاس آ نہ سکا تجھ سے دُور جا نہ سکا
۔۔۔۔۔۔۔۔۔۔۔۔۔۔۔۔
نگاہوں سے دل میں سمائے چلا جا
یونہی میری ہستی پہ چھائے چلا جا
۔۔۔۔۔۔۔۔۔۔۔۔۔۔۔۔
پر کَسے تھے رشتۂ تقدیر سے
کُھل گئے اِک جُنبش تدبیر سے
۔۔۔۔۔۔۔۔۔۔۔۔۔۔۔۔
غمِ زندگی گوارا تری مستیٔ نظر سے
مری رفعتِ تخیل ہے شکستِ بال و پر سے
۔۔۔۔۔۔۔۔۔۔۔۔۔۔۔۔
شعلہ ہی نہیں جوانی کا
عشق حاصل ہے زندگانی کا
۔۔۔۔۔۔۔۔۔۔۔۔۔۔۔۔
چہرۂ بے نقاب نے مارا
اُداس تھے،آفتاب نے مارا
۔۔۔۔۔۔۔۔۔۔۔۔
دن رات ظرفِ وقت میں ڈھلتی ہے زندگی
مٹتی نہیں ۔۔۔۔۔۔۔ لباس بدلتی ہے زندگی
۔۔۔۔۔۔۔۔۔۔۔۔۔۔۔۔۔۔
تعبیر جس کو موت سے کرتے ہیں بے خبر
تبدیلیء مقام ہے ۔۔۔۔۔۔مرتا نہیں کوئی
دریائے زندگی ہے دما دم رواں دواں
ڈوبے بغیر ۔۔۔۔پار اترتا نہیں کوئی
۔۔۔۔۔۔۔۔۔۔۔۔۔۔۔
تصویر کائنات ابھی ناتمام ہے
قدرت کو روز نقش بدلنے سے کام ہے
………………
خوش جمالوں کی یاد آتی ہے
بے مثالوں کی یاد آتی ہے
باعثِ رشک مہر و ماہ تھے جو
ان ہلالوں کی یاد آتی ہے
جن کی آنکھوں میں تھا سرورِ غزل
ان غزالوں کی یاد آتی ہے
جن سے دنیائے دل منّور تھی
ان اُجالوں کی یاد آتی ہے
سادگی لا جواب ہے جن کی
ان سوالوں کی یاد آتی ہے
ذکر سنتے ہی نوجوانی کا
کچھ خیالوں کی یاد آتی ہے
جانے والے کبھی نہیں آتے
جانے والوں کی یاد آتی ہے
وجدؔ لطفِ سخن مبارک ہو
با کمالوں کی یاد آتی ہے
….
بیابانوں پہ زندانوں پہ ویرانوں پہ کیا گزری
جہان ہوش میں آئے تو دیوانوں پہ کیا گزری
دکھاؤں تجھ کو منظر کیا گلوں کی پائمالی کا
چمن سے پوچھ لے نوخیز ارمانوں پہ کیا گزری
بہار آئے تو خود ہی لالہ و نرگس بتا دیں گے
خزاں کے دور میں دل کش گلستانوں پہ کیا گزری
نشان شمع محفل ہے نہ خاک اہل محفل ہے
سحر اب پوچھتی ہے رات پروانوں پہ کیا گزری
ہمارا ہی سفینہ تیرے طوفانوں کا باعث تھا
ہمارے ڈوبنے کے بعد طوفانوں پہ کیا گزری
میں اکثر سوچتا ہوں وجدؔ ان کی مہربانی سے
یہ کچھ گزری ہے اپنوں پر تو بیگانوں پہ کیا گزری
——
جنوں میں موج برق کا جو رخ ذرا بدل گیا
غبار نور شعلہ بار پیکروں میں ڈھل گیا
خودی کی جب ہوا چلی تو سب کا دل مچل گیا
کوئی ادھر نکل گیا کوئی ادھر نکل گیا
ابھی چھڑا نہیں ربابِ داستان زندگی
عدم کی گرد میں نہاں ہے کاروان زندگی
انھیں میں تھی زمین بھی ایک شعلہ شرر فشاں
بجھی ہزارہا برس میں مدتوں اٹھا دھواں
یہ رات جب کٹی تو کوہ و دشت و جو ہوئے عیاں
دیا سمندروں کو آفتاب نے پیام جاں
بنی اسی عمل سے سطح آب کان زندگی
عجیب شان سے رواں ہے کاروان زندگی
کھلی ہے مدتوں کے بعد اب زبان زندگی
عدم کے بت کدے میں دی گئی اذان زندگی
…………………….
