( غیر مطبوعہ )
ہجُــــــومِ حلقــــہِ آشُـــفتــگاں سے باہَر آ
بَہ زورِ عشق خِـرَد کی کماں سے باہَر آ
تصــوُّفِ غم ِ یزداں کی فکر ہے تجھ کو
حِصارِ ذات سے' نام و نشاں سے باہَر آ
تُو اپنے جسم کے جلتے دیے کی لَو سے مِل
سخُـن نہ کر ' سخُـنِ رایگاں سے باہَر آ
بکھر گئے ہیں سـتارے زمین کے اُوپر
تُو ایسا کر ' صفِ سیّـارگاں سے باہَر آ
سجا کے رکھ لبِ گویا پہ صبر کی مٹّی
خدا سے مِلنا ہے' لفظ و بیاں سے باہَر آ
تُو اپنے درد کی تشــہیر کر نہیں سکتا
تُو اِتنا کر ' کبھی میری زباں سے باہَر آ
تِرا عمل تجھے ســـاری بَلندیاں دے گا
ہراک مَقــام پہ سُــود و زیاں سے باہَر آ
تُو جوگ دھار لے ذہنی سکون کی خاطِر
مراقبے سے نکل 'دشتِ جاں سے باہَر آ
( سَـنجـے ؔ شوق )
— with Sanjay Shauq.
