ہدیہ عقیدت بارگاہِ رسالت مآب – ڈاکٹر نزہت عباسی
میں مدح و ثنا نور لولاک کروں کیسے
ذرہ ہوں میں سورج کا ادراک کروں کیسے
جب آپ کے جبے میں پیوند ہوں اے آقا ﷺ
میں ریشم و اطلس کو پوشاک کروں کیسے
پلکیں تو مری گردِ جادہ سے ہوئیں بوجھل
نظروں کو میں اب سوئے افلاک کروں کیسے
ہے آپ ﷺ کی رحمت سے امید بہت مجھ کو
عارض کو بھلا اپنے نمناک کروں کیسے
حد درجہ سخاوت کا دریا ہے تری ہستی ﷺ
میں دامنِ عصیاں کو پیراک کروں کیسے
جواب دیں
تبصرہ کرنے سے پہلے آپ کا لاگ ان ہونا ضروری ہے۔