( غیــر مطبــوعــہ )
بُجھ گئی آگ ‘ سو مَیں اپنی تن آسـانی کو
اوڑھ لیتا ہوں ترے جســم کی عریانی کو
واپَس آئے تو دَر و بام بھی اپنے نہ رہـے
ہم جو گھر چھوڑ کے نکلے تھے جہاں بانی کو
خوف کھائیں گے تو مر جائیں گے ویرانے میں
تم ذرا آگـــــــ جَــلاؤ ‘ مَیـں چَــلا پانی کو
پَہرہ داروں نے مِرے قتل میں عَجلت کی ہے
مَیں تو آیا تھا ‘ تِـرے گھـر کی نِگـہ بانی کو
بے سبب کــوئی یہـاں دشت و بیـابـاں لایا
ہِجــر کافی تھا ‘ مِـری آنکھ کی ویـرانی کو
مَیں تو سیلاب سے کہتا ہوں : مِرے گھر آؤ
اَور لے جاؤ ۔۔۔۔ مِری بے سَـر و سـامـانی کو
وہ اگر ڈھانپ دے تعبیـر سے مجھ کو’ نیــّـر ؔ !
چھوڑ دوں خـواب پشــیماں کی پشـیمانی کو
( شــہزاد نیـــّـرؔ )
جواب دیں
تبصرہ کرنے سے پہلے آپ کا لاگ ان ہونا ضروری ہے۔