آج کا لفظ ہم نفس: ہمدم، ساتھی، رفیق یار، دوست …….

آج کا لفظ
ہم نفس: ہمدم، ساتھی، رفیق یار، دوست
…….
اے ہم نفس نہ پوچھ جوانی کا ماجرا
موج نسیم تھی ادھر آئی ادھر گئی
تلوک چند محروم
…….
مری دیوانگی کیوں بڑھ رہی ہے
بہار آئی چمن میں ہم نفس کیا
صفیہ شمیم
…….
جس ہم نفس کو مجھ سے متاع وفا ملی
وہ ہم نفس مرا ہی خریدار بن گیا
ظہیر کاشمیری
……
دشنام یار طبع حزیں پر گراں نہیں
اے ہم نفس نزاکت آواز دیکھن
مومن خاں مومن
……
اکیلے پن کا یہ احساس ہم نفس کی تلاش
بڑھی ہوئی جو یہ تلخی ہے پیار مانگے ہے
آل احمد سرور
………
الفت صیاد سے مجبور ہوں اے ہم نفس
ورنہ اب بھی بازوؤں میں قوت پرواز ہے
صبر کلکتوی
…….
میرے ہم نفس میرے ہم نوا مجھے دوست بن کے دغا نہ دے
میں ہوں درد عشق سے جاں بلب مجھے زندگی کی دعا نہ دے
شکیل بدایونی
…….
ایسا سفر ہے جس کی کوئی انتہا نہیں
ایسا مکاں ہے جس میں کوئی ہم نفس نہیں
منیر نیازی
………
بشکریہ ریختہ روزن