آپ جب آئے تو جینے کی ادا بھی آئی
یک بہ یک دل کے دھڑکنے کی صدا بھی آئی
اٹھ گئی آنکھ تو کلیوں نے بھی آنکھیں کھولیں
کھل گئی زلف تو لہرا کے گھٹا بھی آئی
تیری زلفوں کی مہک ہی ابھی لائی تھی صبا
کہ لہک
ابھی جاگا بھی نہ تھا تیرے تصور کا فسوں
کہ اچانک ترے قدموں کی صدا بھی آئی
ابھی بخشا بھی نہ تھا لب نے ترے آب حیات
کہ قضا بن کے نگاہوں میں حیا بھی آئی
عقل کہتی ہی رہی اور محبت بڑھ کر
زندگانی ترے کوچے میں لٹا بھی آئی
دل اسی سوچ میں گم ہے کہ کہوں یا نہ کہوں
نگہِ شوق وہ افسانہ سنا بھی آئی
داورِ حشر تو اک سوچ میں بیٹھا ہی رہا
تیری رفتار کئی حشر اٹھا بھی آئی
(مضطر مجاز)
انتخاب :-: ابوالحسن علی ندوی
