جنبشِ کاکلِ محبُوب سے , دِن ڈھلتا ھے
ھائے ، کس خوبئ اَسلوب سے دِن ڈھلتا ھے
ھائے ، کس خوبئ اَسلوب سے دِن ڈھلتا ھے
پھینک کلفت زدہ سُورج پہ بھی , چھینٹے اُس کے
جس مئے دِل کش و مرغُوب سے , دن ڈھلتا ھے
کوشش بندۂ دانا نہیں کامل ھوتی
صحبت بندۂ مجذوب سے دن ڈھلتا ھے
مہر کے ولولۂ راست سے پَو پھوٹتی ھے
مہر کے جذبۂ مقلوب سے دن ڈھلتا ھے
ساقیا ، ایک عدمؔ کو بھی پھریری اس کی
جس کھنکتے ھُوئے مشروب سے دن ڈھلتا ھے
عبدالحمّید ”عدم“
بشکریہ
https://www.facebook.com/Inside.the.coffee.house
