علی مولا، علی مولا، علی مولا، علی مولا
زباں کے ساتھ دل بولا، علی مولا، علی مولا
زباں کے ساتھ دل بولا، علی مولا، علی مولا
علی اعلیٰ ہے، اولیٰ ہے، علی کا بول بالا ہے
جو بالا ہے، وہ یہ بولا، علی مولا، علی مولا
علی ظاہر ہیں، مظہر ہیں، مقدّم ہیں، مؤخّر ہیں
علی اولیٰ، علی اولیٰ، علی مولا، علی مولا
علی نفسِ پیمبر ہیں، علی بہتر ہیں، برتر ہیں
ہر اک میزان میں تولا، علی مولا، علی مولا
علی کی بادشاہی ہے، علی اِسمِ الٰہی ہے
علی نے سِرِّ حق کھولا، علی مولا، علی مولا
ذہینِؔ مستِ مولٰی نے، شرابِ عشقِ مولٰی میں
غمِ کونین کو گھولا، علی مولا، علی مولا۔۔۔!
کلام: محمد طاسین المعروف بابا ذہینؔ شاہ تاجیؒ
