عالمی ادب

فالیا نذار قبانی( شام) ترجمہ اقتدار جاوید فا…

فالیا
نذار قبانی( شام)
ترجمہ
اقتدار جاوید

فالیا چپ ہوا
چپ اور بھی گھمبیر ہوٸی
خوف سے بھر گٸیں آنکھیں اس کی
قہوے کو غور سے دیکھا اس نے
” خوف کی بات نہیں ہے کوٸی
مہرباں ہو گی محبت تجھ پر
تُو نے اک گہری محبت کا اسیر ہونا ہے
خوف کی بات نہیں ہے کوٸی
جو محبت کے لیے جان فدا کرتے ہیں
شہید ہوتے ہیں“
فال گوٸی سے میں وابستہ ہوں اک عرصے سے
اس طرح کی کبھی قسمت نہیں دیکھی میں نے
جو ترے راستوں کو گھیرتے ہیں
یوں امنڈتے ہوٸے دکھ دیکھے نہیں ہیں میں نے
تری قسمت میں سمندر کے سفر لازم ہیں
یہ محبت کا سمندر ہو گا
زندگانی تیری اشکوں کی کتاب ایسی ہے
آگ اور پانی کے مابین تجھے رہنا ہے
باوجودیکہ
بہت زخم سہے ہیں ہم نے
باوجودیکہ
اداسی نے ہمیں گھیرا ہے
باوجودیکہ
ہوا تیز ہے طوفانی ہے
یہ محبت، مرے بیٹے
جو قسمت میں ہو
خوشا کیا کہنے
یوں محبت بھری تقدیر کسے ملتی ہے

اسی دنیا میں کوٸی عورت ہے
جس کی آنکھوں میں خدا رہتا ہے
جس کے ہونٹوں سے مہک اڑتی ہے
کوٸی جپسی ہے جو دنیا کا سفر کرتی ہے
اسی عورت میں نظر آٸے گی دنیا ساری
ترے رستے تجھے آگے نہیں جانے دیں گے!

میرے بیٹے یہ محبت تیری
سخت پہرے میں کہیں سوتی ہے
جو کوٸی باغ تلک جاتا ہے
جو کوٸی حجلہ ِ نو رنگ تلک جاتا ہے
جو کوٸی اسکو ذرا دیکھتا ہے
اور لگاتا ہے گرہ اس کے سیاہ بالوں میں
فنا ہوتا ہے
چار اطراف میں تُو ڈھونڈنے نکلے گا اسے
جا کے پوچھے گا ابھرتی ہوٸی لہروں سے
کبھی ساحل سے
ست سمندر ترے آگے ہوں گے
ترے آنسو کسی دریا کی طرح نکلیں گے

تختہ ِ مرگ پہ آخر اک دن
اس حقیقت نے ہے ظاہر ہونا
تُو نے جس کے لیے دریا جھاگے
اس کا گھر بھی نہیں
نہ اس کی زمیں ہے کوٸی
ایسی عورت سے
زمیں اور نہ گھر ہے جس کا
کتنا مشکل ہے محبت کرنا
اس حقیقت نے ہے ظاہر ہونا
تختہ ِ مرگ پہ آخر اک دن!

بشکریہ
https://www.facebook.com/groups/1876886402541884/permalink/2876378089259372

متعلقہ تحاریر

جواب دیں

Back to top button
تفکر ڈاٹ کام
situs judi online terpercaya idn poker AgenCuan merupakan salah satu situs slot gacor uang asli yang menggunakan deposit via ovo 10 ribu, untuk link daftar bisa klik http://faculty.washington.edu/sburden/avm/slot-dana/