منتخب نظمیں

نعت رسولِ مقبول ﷺ – عنبرین حسیب عنبر ہے جہاں محو …

نعت رسولِ مقبول ﷺ – عنبرین حسیب عنبر

ہے جہاں محو خود نمائی میں
خوش ہوں میں آپ ﷺ کی گدائی میں

اسمِ احمد ﷺ ورق پہ لکھتے ہی
آ گیا نور روشنائی میں

بھیجتی ہوں درود آقا ﷺ پر
میں فرشتوں کی ہم نوائی میں

کس سے تشبیہ دوں مرے آقا ﷺ
آپ سا کون ہے خدائی میں

مل گیا ربّ ِ کائنات مجھے
سرورِ دیں کی رہنمائی میں

آپ ﷺ کی چشمِ مہرباں سے ہیں
دو جہاں کاسہء گدائی میں

مجھ کو بھی اذنِ حاضری آقا ﷺ
جان ہے کربِ نارسائی میں

لاکھ بدلے چلن زمانے کا
میں رہوں عشقِ مصطفائی ﷺ میں

نعت کہنے میں ہے جو سرشاری
وہ کہاں ہے غزل سرائی میں


متعلقہ تحاریر

جواب دیں

Back to top button
تفکر ڈاٹ کام
situs judi online terpercaya idn poker AgenCuan merupakan salah satu situs slot gacor uang asli yang menggunakan deposit via ovo 10 ribu, untuk link daftar bisa klik http://faculty.washington.edu/sburden/avm/slot-dana/