دِل سے ھر گزری بات گزری ھے کِس قیامت کی رات گزری ھ…

دِل سے ھر گزری بات گزری ھے
کِس قیامت کی رات گزری ھے

چاندنی ، نیم وا دریچہ ، سکوت
آنکھوں آنکھوں میں رات گزُری ھے

ھائے وہ لوگ ، خُوب صُورت لوگ
جن کی دُھن میں ، حیات گزُری ھے

کسی بھٹکے ھُوئے خیال کی موج
کتنی یادوں کے ساتھ گزُری ھے

تمتماتا ھے چہرۂ ایّام
دل پہ کیا واردات گزُری ھے

پھر کوئی آس لڑکھڑائی ھے
کہ ، نسیمِ حیات گزُری ھے

بُجھتے جاتے ھیں , دُکھتی پلکوں پہ دِیپ
نیند آئی ھے ، رات گزُری ھے

”مجید امجد“

بشکریہ
https://www.facebook.com/Inside.the.coffee.house