جاوید اختر بالی وڈ کے مشہور کہانی کار ، منظر نامہ نگار اور گیت کار ھیں۔ جاوید اختر نے ایک علمی گھرانے میں پرورش پائی اور ادب سے محبت انہیں گویا وراثت میں نصیب ھُوئی۔ مُضطر خیر آبادی اُن کے دادا ، جان نثار اختر والد اور اَسرار الحق مجاز لکھنوئی جیسے بلند قامت شاعر جاوید کے ماموں تھے۔
اُن کی ایک کمال غزل آپ کی بصارتوں کی نذر ھے۔
”ابھی کُچھ دِن لگیں گے“
ذرا موسم تو بدلا ھے ، مگر پیڑوں کی شاخوں پر
نئے پتّوں کے آنے میں ، ابھی کُچھ دِن لگیں گے
بہت سے زرد چہروں پر ، غُبارِ غم ھے کم بے شک
پر اُن کو مُسکُرانے میں ، ابھی کُچھ دِن لگیں گے
کبھی ھم کو یقیں تھا زُعم تھا دُنیا ھماری جو مُخالِف ھے
تو ھو جائے ، مگر تُم مِہرباں ھو
ھمیں یہ بات ویسے یاد تو اب کیا ھے ، لیکن ھاں
اِسے یکسر بُھلانے میں ، ابھی کُچھ دن لگیں گے
جہاں اِتنے مصائب ھوں جہاں اِتنی پریشانی
کِسی کا بے وفا ھونا ھے کوئی سانحہ کیا ؟؟
بہت معقُول ھے یہ بات لیکن اِس حقیقت تک
دِلِ ناداں کو لانے میں ، ابھی کُچھ دِن لگیں گے
کوئی ٹُوٹے ھُوئے شیشے لیے افسُردہ و مغمُوم
کب تک یوں گُزارے بے طلب بے آرزُو دِن ؟؟
تو اُن خوابوں کی کِرچیاں ھم نے پلکوں سے جھٹک دیں
پر نئے ارماں سجانے میں ، ابھی کُچھ دِن لگیں گے
توَھّم کی سیہ شب کو کِرن سے چاک کرکے
آگہی ھر ایک آنگن میں نیا سُورج اُتارے
مگر افسوس یہ سچ ھے وہ شب تھی ، اور یہ سُورج ھے
یہ سب کو مان جانے میں ، ابھی کُچھ دِن لگیں گے
پُرانی منزِلوں کا شوق تو کِس کو ھے باقی
اب نئی ھیں منزِلیں ، سب کے دل میں جِن کے اَرماں
بنا لینا نئی منزِل نہ تھا مُشکِل ، مگر اے دِل
نئے رستے بنانے میں ، ابھی کُچھ دِن لگیں گے
اندھیرے ڈھل گئے روشن ھُوئے منظر
زمیں جاگی ، فلک جاگا ، تو جیسے جاگ اُٹھی زِندگانی
مگر کُچھ یادِ ماضی اوڑھ کے سوئے ھُوئے لوگوں کو
لگتا ھے جگانے میں ، ابھی کُچھ دِن لگیں گے۔
”جاوید اختر“
https://www.facebook.com/Inside.the.coffee.house
