عکسِ خیال

حفیظ جالندھری کا لکھا ، ٹین ایج طاھرہ سید اور ملکۂ…


حفیظ جالندھری کا لکھا ، ٹین ایج طاھرہ سید اور ملکۂ پکھراج کا بی بی سی کے لیے گایا گیا یہ گیت من موہ لیتا ھے۔

”ابھی تو میں جوان ھُوں“

ھَوا بھی خُوش گوار ھے
گلوں پہ بھی نِکھار ھے
ترنّمِ ھزار ھے , بہارِ پُر بہار ھے
کہاں چلا ھے ساقیا
اِدھر تو لوٹ، اِدھر تو آ
یہ مجھ کو دیکھتا ھے کیا ؟؟
اٹھا سبُو، سبُو اُٹھا
سبُو اُٹھا، پیالہ بھر
پیالہ بھر کے دے اِدھر
چمن کی سِمت کر نظر
سَماں تو دیکھ بے خبر

وہ کالی کالی بدلیاں
اُفق پہ ھو گئیں عیاں
وہ اِک ھُجومِ مئے کشاں
ھے سُوئے مے کدہ رواں
یہ کیا گماں ھے بد گماں
سمجھ نہ مجھ کو نا تواں
خیالِ زھد ابھی کہاں ؟؟

ابھی تو میں جوان ھُوں

عبادتوں کا ذکر ھے
نجات کی بھی فکر ھے
جُنون ھے ثواب کا
خیال ھے عذاب کا
مگر سنو تو شیخ جی
عجیب شے ھیں آپ بھی
بھلا شباب و عاشقی
الگ ھُوئے بھی ھیں کبھی ؟؟

حسین جلوہ ریز ھوں
ادائیں فتنہ خیز ھوں
ھَوائیں عطر بیز ھوں
تو شوق کیوں نہ تیز ھو ؟؟

نگار ھائے فتنہ گر
کوئی اِدھر کوئی اُدھر
اُبھارتے ھوں عیش پر
تو کیا کرے کوئی بشر ؟؟
چلو جی قصّہ مختصر
تمھارا نقطۂ نظر
درست ھے تو ھو مگر

ابھی تو میں جوان ھُوں

نہ غم کشود و بست کا
بلند کا نہ پست کا
نہ بُود کا نہ ھَست کا
نہ وعدۂ اَلست کا
اُمید اور یاس گم
حواس گم ، قیاس گم
نظر کے آس پاس گم
ھمہ بجز گلاس گم

نہ مئے میں کچھ کمی رھے
قدح سے ھمدمی رھے
نشست یہ جمی رھے
یہی ھما ھمی رھے

وہ راگ چھیڑ مُطربا
طرَب فزا، الَم رُبا
اثر صدائے ساز کا
جگر میں آگ دے لگا
ھر ایک لب پہ ھو صدا
نہ ھاتھ روک ساقیا
پلائے جا پلائے جا

ابھی تو میں جوان ھُوں

یہ گشت کوہسار کی
یہ سیر جوئبار کی
یہ بلبلوں کے چہچہے
یہ گل رُخوں کے قہقہے

کسی سے میل ھو گیا
تو رنج و فکر کھو گیا
کبھی جو بخت سو گیا
یہ ھنس گیا وہ رو گیا
یہ عشق کی کہانیاں
یہ رَس بَھری جوانیاں
اِدھر سے مہربانیاں
اُدھر سے لَن ترانیاں

یہ آسمان یہ زمیں
نظارہ ھائے دل نشیں
انہیں حیات آفریں
بھلا میں چھوڑ دُوں یہیں
ھے موت اس قدر قریں
مجھے نہ آئے گا یقیں
نھیں نھیں ابھی نھیں

ابھی تو میں جوان ھُوں

”حفیظ جالندھری“

بشکریہ
https://www.facebook.com/Inside.the.coffee.house

متعلقہ تحاریر

جواب دیں

Back to top button
تفکر ڈاٹ کام
situs judi online terpercaya idn poker AgenCuan merupakan salah satu situs slot gacor uang asli yang menggunakan deposit via ovo 10 ribu, untuk link daftar bisa klik http://faculty.washington.edu/sburden/avm/slot-dana/