آج شدید سردی تھی۔ کمرہ جماعت میں بیٹھے ہوئے بچوں کے قلم تھامے ہاتھ شدید سردی سے کپکپا رہے تھے لنچ بریک میں بچوں نے کینٹین میں چائے کا آرڈر دیا۔ عمر خاموشی سے بیٹھا تھا۔ "تم چائے نہیں پئو گے” ۔ایک دوست نے پوچھا، "نہیں مجھے سردی نہیں لگ رہی” عمر بولا ۔ "سموسہ کھا لو”، "نہیں مجھے بھوک بھی نہیں ھے”، عمر بولا۔ دوست سموسے کھانے اور چائے پینے میں مصروف ہو گئے۔ عمر خاموشی سے اٹھا اور کینٹین والے کے پاس جا کر بولا "انکل یہ لیں پیسے اور دوکپ چائے چھت پہ بیٹھے سنائپرز کو بھجوا دیں” ۔
(شازیہ ستار نایاب)
