جس نے بھی یہ پیروڈی بنائی ہے اس کی ذہانت کو سلام! …

جس نے بھی یہ پیروڈی بنائی ہے اس کی ذہانت کو سلام!
????

????????????????

*کورونا شاعری*

خالی دماغ شیطان کا گھر ہوتا ہے. وقت گزاری کے لیے یہ کام کیا ہے.
اسے آپ شرارت بھی سمجھ سکتے ہیں. مگر یہ وقت کی آواز بھی ہے.
سبھی موجود و ناموجود شعراء حضرات سے معذرت کے ساتھ….
___________________

درد کے مارے الٹا ہی لیٹا، لٹھیا نے وہ کام کیا
بیوی سے مرہم لگوایا ، سارے دن آرام کیا

میر تقی میر
___________________

نکلنا چین سے کووِڈ کا سنتے آئے ہیں لیکن
بڑے ہی ٹھیک تھے، باہر ٹہلنے پھر بھی ہم نکلے

مرزا غالب
___________________

ایسا لگتا ہے پاس ہے کووِڈ
جب کوئی دوسرا نہیں ہوتا

مومن خان مومن
___________________

پیدا ہوا کورونا تو وُوہان نے کہا
لالچ میں ہم بھی دیکھئے برباد ہو گئے

اکبر الہ آبادی
___________________

لپٹ جاتے ہیں وہ بجلی کے ڈر سے
الٰہی ماسک لے آؤں میں گھر سے

داغ دہلوی
___________________

ہزاروں سال چینی اپنی لاچاری پہ روتے ہیں
بڑی مشکل سے ہوتا ہے کورونا میں اثر پیدا

علامہ اقبال

___________________

ہر نفس عمرِ گزشتہ کی ہے میّت فانی
کورونا نام ہے مر مر کے جئے جانے کا

فانی بدایونی
___________________

چپکے چپکے رات دن آنسو بہانا یاد ہے
کو رونا میں گھر پے رہنے کا زمانہ یاد ہے

حسرت موہانی

___________________

چلا آیا ہوں ہنستا کھیلتا موجِ کورونا میں
پولِس گر دیکھ لے تو زندگی دشوار ہوجائے

اصغر گونڈوی

___________________

ان کا جو فرض ہے وہ اہلِ جہالت جانے
اس کا انجام ہلاکت ہے جہاں تک پہنچے

جگر مراد آبادی

___________________

موت کا بھی علاج ہو شاید
کورونا کا کوئی علاج نہیں

فراق

___________________

گلوں میں رنگ بھرے بادِ بو بہار چلے
کورونا جاؤ کہ گلشن کا کاروبار چلے

فیض احمد فیض

___________________

کہنے کو بڑی چیز ہے تہذیب بدن کی
ورنہ تو بدن کورونا لانے کے لیے ہے

جاں نثار اختر

___________________

بس کورونا ہی چلا تھا جانبِ منزل مگر
لوگ مانے ہی نہیں اور کارواں بنتا گیا

مجروح سلطان پوری

___________________

صرف کچھ دن ہیں کووِڈ کے ناصر
غم نہ کر زندگی پڑی ہے ابھی

ناصرکاظمی

___________________

وہ بیماری جسے انجام تک لانا ہو ناممکن
اسے کورونا جیسا نام دے کر چھوڑنا اچھا

ساحر لدھیانوی

___________________

اس نے بنا ہنڈ واش کے میرے گلاس میں ڈال دی
میں نے با احتیاطِ جاں جسٹ وہ جام رکھ دیا

احمد فراز

___________________

کون اس گھر کی دیکھ بھال کرے
سینیٹائزر کی شیشی ٹوٹ گئی

جون ایلیا
___________________

نئے پِٹتے ہوئے دیکھیں تو خوشی ہوتی ہے
ہم بھی ایسے ہی پِٹے تھے یہاں لاکڈاؤن میں

احمد مشتاق

___________________

کچھ ہی دن میں ہوگی اب دیدار سے آگے کی بات
سیلف ڈسٹینسنگ میں بس دیدار ہونا چاہیے

ظفر اقبال

___________________

لنگس میں اترے گی پوچھے گی جنوں کتنا ہے
نوکِ کووِڈ ہی بتائے گی کہ خوں کتنا ہے

شہریار
____________________

یونہی بے سبب ہی پھرا کرو، کسی وقت گھر نہ رہا کرو
تمہیں شوق پِٹنے کا ہے بہت سرعام جا کے پِٹا کرو

بشیر بدر
____________________

اپنی مرضی سے کہاں اپنے سفر کے ہم ہیں
اس کورونا کے سبب اپنے ہی گھر میں ہم ہیں

ندا فاضلی

____________________

بس وہ تشریف پہ لٹھیا کو جماتے بولا
آپ سڑکوں پہ چلے آئے اجازت کے بغیر؟

عرفان صدیقی
____________________

بدن میں جس کے رہے گا اسے مٹائے گا
کبھی کورونا کا اپنا مکاں نہیں رہتا

وسیم بریلوی

____________________

میں ذرا سا گھر سے نکل گیا، مجھے کھینچتا کوئی اور ہے
مجھے ڈھونڈتا کوئی اور ہے مجھے پیٹتا کوئی اور ہے

سلیم کوثر
____________________

شاخوں سے ٹوٹ جائیں وہ پتا نہیں ہیں ہم
کووِڈ سے یہ کہو کہ وہ اوقات میں رہے

راحت اندوری
____________________

علاج اپنا کرانے جاؤ گے تم جانے کس کس سے
گھروں میں رہ کے دیکھو نا، گھروں میں کیوں نہیں رہتے

فرحت احساس
____________________

ہاتھ میرے بھول بیٹھے دستکیں دینے کا فن
اس کے در پہ جب سے کورنٹائن کا پرچا لگا

پروین شاکر
____________________

اتنی وحشتِ کورونا نہ پوچھو ہم سے
دل بھی سینے میں دھڑکتا ہے تو ڈر لگتا ہے

شاہد کمال
____________________

سوجاتے ہیں فٹ پاتھ پہ اخبار بچھا کر
مزدور کبھی ہوم کورنٹائن نہیں ہوتے

منور رانا
__________________

موت نے سینیٹائزر کیا پھر نبض ٹٹولی
کورونا کا جھوٹ بہت پھیلایا ہم نے

نامعلوم

(ضیاء ضمیر)

المرسل :-: ابوالحسن علی ندوی