( غیــر مطبــوعـہ )
نیاز مندانہ پیش ہوں گے ، کھــــڑے بَہ صــــد احترام ہوں گے
جـنابِ عــــالـی مــــودّبانہ گـــــزارشـــوں سے ہی رام ہوں گے
قطـــار سے جس کا سَـر نہ سـرکا' اسی کے سر کا شمـار ہوگا
جو سر کو سرکار میں جھکائیں گے بس وہی شاد کام ہوں گے
بَـہ خـــدمتِ میــرِ مجـــــلسِ دفترِ مَحبّت ہر ایکـــــــ عرضــــی
ہم اُس کے دَر کے اسیر ہوں گے' فقیرہوں گے' غلام ہوں گے
ہم ایک مدّت سے دست بستہ کھڑے ہیں عرضـی گـزارنے کو
اب ایک مدّت کے تشـنہ کام ایک عمـر تکــــ شاد کام ہوں گے
دِلا ! تُو درخـواست دے براے حصــول و تحصـیــلِ درد مندی
بَـہ نامِ شــاخِ نہـــــالِ غــم باغِ عشـــق میـں انتظــــــام ہوں گے
یـہ ملتجــــی ســــائلیــــن تو منتظِــــــر ہیــں وہ آنکھ مُـلتفت ہو
یہ سَـرگـراں بھی کرم کی بس اک نگاہ سے زیـرِ دام ہوں گے
ہر ایکــــ دل پہ لگائی جـــائے گی مہـــــرِ ترسیــلِ آہ و زاری
بَـہ حـــقّ ِ اہلِ محــــــلّـہ عاشِـــــقاں یہـــی اہتمــــــــام ہوں گے
سو اب یہ اََحــــــــــوالِ واقعــی ہے کہ بندہ نامُـــــــراد خـوش ہے
ہنسی خوشی کیسے دل لگے گا،خوشی خوشی کیسےکام ہوں گے
( عــدنان ؔ بشـیــــر )
— with Adnan Bashir.