ہجر میں جتنا فاصلہ ہو گا
اک دیا پھر بھی جل رہا ہوگا
کس قدر شوقِ خود نمائی ہے
آئنہ خود پہ ہنس رہا ہوگا
حادثہ کل کوئی ہوا تو تھا
شور مٹّی میں دب گیا ہوگا
ایک جیسے ہی سارے چہرے ہیں
اب تماشا بھی ایک سا ہوگا
عشق نے کوئی رہ تلاش نہ کی
حجرہِء زات میں پڑا ہوگا
اپنے دیوارو در کو پھر دیکھیں
کوئی اندر سے ہی خلا ہوگا
نام سنتے ہی روٹھ جاتے ہو
کچھ کسی نے تمھیں کہا ہوگا
ہر طرف ایک ہی زمیں ہے تو
آسماں کیا کوئی نیا ہوگا ؟
میں بڑی ہوں رِداؔ ! سو میرے ساتھ
ظلم بھی تو بہت بڑا ہو گا
( رِداؔ فاطمہ )