ماحول دل زار ! ابھی کیا تھا ‘ ابھی کیا ہے
یـہ شـــہر بھـی حیـــرت کـدۃ ہـوش رُبا ہے
اے بے حِسیء عَصر ! تجھے یہ بھی پتا ہے؟
احســـاس کے مرقــد پہ کوئی جــاگ رہا ہے
اک وہ ہیں کہ اَســـباب زمـــــانہ ہیں ملازم
اک ہم کہ مَیسّــر نہ دَوا ہے ‘ نہ دعــا ہے
سب کام دلیلوں سے نہیں چلتے جہاں میں
گَر ہم کو یقیں ہے کہ خدا ہے تو خُـدا ہے
تصــویر ِمکمّل ہوں مگر میرا مصـــــــوّر
شاید کہ یہاں رکھ کے مجھے بھول گیا ہے
( عبد اللہ خــالِــدؔ )