ہماری سَر گرانی ہے گراں باری ہماری
سمَجھتی کیوں نہیں دیوار دشوای ہماری
ہمارا ہجر گو قدرے پرانا پڑ گیا ہے
بَہ ہر صورت بہَل جاتی ہے بے زاری ہماری
عناصراِنہدام آثار ہوتے جا رہے ہیں
گِرا ہی چاہتی ہے چار دیواری ہماری
یہ تم جو خواب کی خیرات دینے آ گئے ہو
تمہیں اچّھی نہیں لگتی ہے بے داری ہماری
نظر آئیں گے تم کو صبح کے آثار’ اَحسَــنؔ !
کہ اِن بجھتے دیوں کے بعد ہے باری ہماری
( ندیـــم اَحسَــنؔ )