از کتاب “آؤ شاعری سیکھیں” پندرہ حروف میں دو چشمی ہ…

[ad_1] از کتاب “آؤ شاعری سیکھیں”
پندرہ حروف میں دو چشمی ہاء (ھ) لگتی ہے، جو صرف ہندی الفاظ میں پائے جاتے ہیں: بھ، پھ، تھ، ٹھ، جھ، چھ، دھ، ڈھ، رھ، ڑھ، کھ، گھ، لھ، مھ، نھ۔
بھ کی مثالیں: بھی، بھائی، بھابھی، بھولنا، بھولا، بھاگنا، بھیگنا، گوبھی، بھیڑ۔
پھ کی مثالیں: پھر، پھول، پھندا، پھوپھی، پھرتی، پھولنا، پھرنا، پھاڑنا، پھینکنا۔
تھ کی مثالیں: تھامنا، تھالی، تھکنا، تھپکنا، تھوڑا، تھیلی، ہتھیلی، ہتھیار، ہتھوڑا۔
ٹھ کی مثالیں: ٹھوکر، اٹھانا، ٹھہرنا، ساٹھ، آٹھ، ٹھاٹھ، جوٹھا، انگوٹھا، کوٹھی۔
جھ کی مثالیں: جھومر، جھولی، جھانکنا، جھرجھری، جھنجھنا، جھنڈا، جھلک، جھوٹا۔
چھ کی مثالیں: چھ، چھاچھ، چھوٹا، کچھ، چھالیا، چھونا، چھانا، چھاننا، چھپانا، چھٹی۔
دھ کی مثالیں: چودھری، آدھا، دھندلا، دھواں، دھڑ، دھوکا، دھونس، دھیان۔
ڈھ کی مثالیں: ڈھائی، ڈھانا، ڈھول، ڈھنڈورا، ڈھٹائی، ڈھیٹ، ڈھب۔
رھ کی مثالیں: گیارھواں، بارھواں، تیرھواں، پندرھواں، سترھواں، اٹھارھواں۔
ڑھ کی مثالیں: اڑھائی، چڑھنا، کڑھنا، کڑھائی، پڑھائی، چڑھائی۔
کھ کی مثالیں: کھرا، کھوٹا، کھیر، کھاد، کھانا، کھانسنا، کھولنا، چکھنا، سکھ، دکھ۔
گھ کی مثالیں: گھر، گھات، گھاٹ، گھومنا، گھڑنا، گھوڑا، گھڑا، گھڑی، سگھڑ۔
لھ کی مثالیں: کلھاڑی، کلھڑ، کلھیا، کلھیاں، الھڑ، سولھواں۔
مھ کی مثالیں: تمھاری، تمھیں، تمھی، کمھار، کمھارن، کمھاری۔
نھ کی مثالیں: انھیں، انھی، ننھا، ننھی، ننھیال، ننھیا۔
بشکریہ