ایک جُملہ عدالَتی اور جائیداد کی خرید و فروخت کے م…

[ad_1] ایک جُملہ عدالَتی اور جائیداد کی خرید و فروخت کے مُعاملات میں بُہُت مُستَعمِل ہے ۔ یعنی ؛ ” مُشتری ہوشیار باش ” ۔ اب چُونکہ یہ فارسی سے مُتَعلِقہ ہے ، اور فارسی کا چَلَن ہمارے دادا اور نانا کے دور میں تھا جو فارسی سے شناساء تھے۔ تو اِس جُملے کے معنے کیا ہُوئے ؟ یہ سوال اَکثَر آج کے لوگوں کو پریشان کرتا ہے۔ بچپن میں ہمیں بھی احساس تو تھا کہ اِس سے کیا مُراد ہے ، تاہم دُرُست مفہُوم قَطعاً عِلم میں نہ تھا۔ وُہ تو ہمارے دوست ڈاکٹر مُبَّشِر صاحب نے پُوچھا کہ حضرَت اِسکا کیا مَطلَب ہے ، تو قُدرَت نے راہنُمائی کی اور فوراً ہی سَمَجھ آگیا اور اُنہیں بھی بتایا اور خُود بھی تَبھی سَمجھے کہ ؛ جِس شخص کی مُشت یعنی مُٹّھی میں کِسی بھی شئے کی خریداری کے لِئے پیسے ہیں ، وُہ ہُوا مُشتری ۔ پس خریدار کو ہوشیار رہنا چاہِئے کہ آخِر وُہ رَقَم دینے جا رہا ہے تو پہلے تَسَّلی کر لے کہ چیز تو ٹھیک ہے۔ ؟

( یہ تو ہَمیں بعد میں کِتابِ رُخ ( fb ) پَر صاحِبانِ فِکر و نَظَر کے تَبصَروں سے معلوم ہُوا کہ یہ عَرَبی لَفظ ( اِشتَراء ) سے ہَے جِس کا معنی ہَے خریدار ۔ )

اب اِسی طرح ایک اُردُو کہاوَت ہے ؛ آوے کا آوا بِگڑا ہونا ۔ اِسکا مَطلَب ہے سب کُچھ بے قاعدہ اور بے ترتیب ہونا یا غَلَط ہونا ۔ یا سادہ الفاظ میں بُنیاد ہی خراب ہونا۔ اب یہ ایسا کِیؤں ہے ؟ اِسکا جواب تلاش کرنے کی لِئے ہمیں معلُوم ہونا چاہئے کہ ، ” آوا ” دراصل کُمہار کا وُہ گَڑھا ہَے کہ جِس میں رَکھ کَر وُہ بَھٹّی میں بَرتَن پَکاتا ہَے ۔ اب اَگَر ایک بار میں جِتنے بھی برتن پَکانے کے لِئے رَکّھے گَئے ہَیں ، یعنی ( ایک کھیپ ) اُنہیں اَچّھی طَرَح سیک نہ لَگ پائے ، اَور وُہ کَچّے رہ جائیں تو کہتے ہَیں کہ آوے کا آوا ہی خَراب / بِگڑا ہُوا ہَے ۔

ادائے خاص سے غالِب ہُوا ہے نُکتہ سرا۔
صلائے عام ہے یارانِ نُکتہ داں کیلِئے ۔

مضامینِ شِبلی
بشکریہ