میان ِ عرصہ ء مَوت و حیات ‘ رقص میں ہے
اکیلا مَیں نہیں ‘ کُل کائنات رقص میں ہے !
Miaan.E.Arsah.E.Muot.O.Hayaat ‘ Raqss Mei’n Hay
Akeila Mai’n Nahii’n ‘ Kull Kaainaat Raqss Mei’n Hay
ہر ایک ذرّہ ‘ ہر اِک پارہ ء زمین و زماں
کسی کے حُکم پَہ ۔۔۔ دن ہو کہ رات ‘ رقص میں ہے
Har aik Zar’rah ‘ Har Ik Paarah.E.Zameen.O.Zamaa’n
Kisi Key Hukm Pah …. Din Ho Keh Raat ‘ Raqss Mei’n Hay
اُتاقِ کُنگرہ ء عرش کے چراغ کی لَو
کسی گلی کے فقیروں کے ساتھ رقص میں ہے
Utaaq.E.Kunngarah.E.Arsh Key Cheraagh Ki Luo
Kisi Gali Key Faqeero’n Key saath Raqss Mei’n Hay
سِنائیؔ ہوں کہ وہ عَطّارؔ ہوں کہ رُومیؔ ہوں
ہر اک مقام پَہ اِک خوش صِفات رقص میں ہے
Snaaii Ho’n Keh Woh At’taar Ho’n Keh Roomi Ho’n
Har Ik Muqaam Pah Ik Khush Sifaat ‘ Raqss Mei’n Hay
یہ جذب و شوق ‘ یہ وارُفتگی ‘ یہ وَجد و وفُور
مَیں رقص میں ہوں کہ کُل کائنات رقص میں ہے !
Yeh Jazzb.O.Shoq ‘ Yeh Waruftagi ‘ Yeh Wajjd.O.Wafoor
Mai’n Raqss Mei’n Hoo’n Keh kull Kaainaat Raqss Mei’n Hay
مجال ہے ‘ کوئی جُنبِش کرے رضا کے بغیر
جو رقص میں ہے ‘ اجازت کے ساتھ رقص میں ہے
Majaal hay ‘ Koi Junbishh Karey Riza key Bah’ghair
Jo Raqss mei’n Hay ‘ Ijaazat Key Saath Raqss Mei’n Hay
مَیں ایک شمس کی آمد کا مُنتظِر تھا ‘ سُو اب
مِرے وجود کے رُومی کی زات رقص میں ہے
Mai’n Aik Shams Ki Aamad Ka Muntazir Tha ‘ So Ab
Mrey Wujood Key Roomi Ki Zaat Raqss Mei’n Hay
( اِفتخارؔ عارِف Iftekhar Arif )