کچھ اَور تو ہم بے ہُنَروں سے نہ بَن آئی جب زخــم ل…

[ad_1] کچھ اَور تو ہم بے ہُنَروں سے نہ بَن آئی
جب زخــم لگا ‘ زخــم سے بُوے سخن آئی

دروازہ ہُوا بند تو ۔۔۔۔ لَو دینے لگا دل
کوئی نہ رہا جب تو ۔۔۔ پھر اک انجُــمَن آئی

اک درد بَہ اسـلُوب ِ تغَــزُّل مہَـک اُٹّھــا
اک یاد بَہ انداز ِ غــــــزال ِ خُــتَن آئی

وہ جلوہ گَری ہے کہ نظر کچھ نہیں آتا
تم آئے کِہ آئینے کے اندر کِــرَن آئی

کیا درد ِ نہـاں حرف و بیاں میں سمَٹ آیا
کیا رُوح پَہ بھی راست قباے بدن آئی !

( خُــورشــیـدؔ رضــوی )