(محترم پرویز ساحرؔ کی زمین میں، اُن ہی کی نذر)
عُـشّــاق ہیں’ سو مَوت سے ڈرنا تو ہے نہیں
اُور کس لئے ڈریں ؟ ہمیں مرنا تو ہے نہیں
ہم لوگ کچھ نہیں ہیں’ مگر اِس کے باوجود
سب کچھ ہمارے دَم سے ہے’ ورنہ تو ہے نہیں !
آنسو ‘ نہ مُشتِ ریگ ‘ نہ تارے’ نہ آئنہ
دل ٹُوٹ بھی گیـا تـو بکھـــرنا تو ہے نہیں
بے دست و پا بھی جـاں سے گذرنا پڑا تو ہَم
گذریں گے۔۔۔ رہ گذر سے گذرنا تو ہے نہیں
ہم لوگ کیوں بناتے ہیں کاغـذ کی کَشــتیـاں
دریا کو اپنے پار اُترنا تو ہے نہیں
زخــمِ وجُــود پر نہ لگا مـرہَـمِ عـدم
ناسُـور ہے یہ زخــم ‘ اِسے بھرنا تو ہے نہیں
دل رَشکِ آئنہ ہی سہی ‘ پھر بھی شــہریـارؔ !
دل سے فنا کا رنگ اترنا تو ہے نہیں
( احـمـــــد شــہریـارؔ )