ﺗﺴﮑﯿﻦِ ﺩﻝِ ﻣﺤﺰﻭﮞ ﻧﮧ ﮨﻮﺋﯽ، ﻭﮦ ﺳﻌﺊ ﮐﺮﻡ ﻓﺮﻣﺎ ﺑﮭﯽ ﮔﺌﮯ …
ﺍﺱ ﺳﻌﯽﺀ ﮐﺮﻡ ﮐﻮ ﮐﯿﺎ ﮐﮩﯿﮯ، ﺑﮩﻼ ﺑﮭﯽ ﮔﺌﮯ ﺗﮍﭘﺎ ﺑﮭﯽ ﮔﺌﮯ
ﮨﻢ ﻋﺮﺽِ ﻭﻓﺎ ﺑﮭﯽ ﮐﺮ ﻧﮧ ﺳﮑﮯ، ﮐﭽﮫ ﮐﮩﮧ ﻧﮧ ﺳﮑﮯ ﮐﭽﮫ ﺳُﻦ ﻧﮧ ﺳﮑﮯ
ﯾﺎﮞ ﮨﻢ ﻧﮯ ﺯﺑﺎﮞ ﮨﯽ ﮐﮭﻮﻟﯽ ﺗﮭﯽ، ﻭﺍﮞ ﺁﻧﮑﮫ ﺟﮭﮑﯽ ﺷﺮﻣﺎ ﺑﮭﯽ ﮔﺌﮯ
ﺁﺷﻔﺘﮕﯽﺀ ﻭﺣﺸﺖ ﮐﯽ ﻗﺴﻢ، ﺣﯿﺮﺕ ﮐﯽ ﻗﺴﻢ، ﺣﺴﺮﺕ ﮐﯽ ﻗﺴﻢ
ﺍﺏ ﺁﭖ ﮐﮩﯿﮟ ﮐﭽﮫ ﯾﺎ ﻧﮧ ﮐﮩﯿﮟ، ﮨﻢ ﺭﺍﺯِ ﺗﺒﺴﻢ ﭘﺎ ﺑﮭﯽ ﮔﺌﮯ
ﺭﻭﺩﺍﺩِ ﻏﻢِ ﺍﻟﻔﺖ ﺍﻥ ﺳﮯ ﮨﻢ ﮐﯿﺎ ﮐﮩﺘﮯ ﮐﯿﻮﮞ ﮐﺮ ﮐﮩﺘﮯ
ﺍﮎ ﺣﺮﻑ ﻧﮧ ﻧﮑﻼ ﮨﻮﻧﭩﻮﮞ ﺳﮯ ﺍﻭﺭ ﺁﻧﮑﮫ ﻣﯿﮟ ﺁﻧﺴﻮ ﺁ ﺑﮭﯽ ﮔﺌﮯ
ﺍﺭﺑﺎﺏِ ﺟﻨﻮﮞ ﭘﺮ ﻓﺮﻗﺖ ﻣﯿﮟ ﺍﺏ ﮐﯿﺎ ﮐﮩﺌﮯ ﮐﯿﺎ ﮐﯿﺎ ﮔﺰﺭﯼ
ﺁﺋﮯ ﺗﮭﮯ ﺳﻮﺍﺩِ ﺍﻟﻔﺖ ﻣﯿﮟ، ﮐﭽﮫ ﮐﮭﻮ ﺑﮭﯽ ﮔﺌﮯ ﮐﭽﮫ ﭘﺎ ﺑﮭﯽ ﮔﺌﮯ
ﯾﮧ ﺭﻧﮓِ ﺑﮩﺎﺭِ ﻋﺎﻟﻢ ﮨﮯ ﮐﯿﻮﮞ ﻓﮑﺮ ﮨﮯ ﺗﺠﮫ ﮐﻮ ﺍﮮ ﺳﺎﻗﯽ
ﻣﺤﻔﻞ ﺗﻮ ﺗﺮﯼ ﺳﻮﻧﯽ ﻧﮧ ﮨﻮﺋﯽ ﮐﭽﮫ ﺍُﭨﮫ ﺑﮭﯽ ﮔﺌﮯ ﮐﭽﮫ ﺁ ﺑﮭﯽ ﮔﺌﮯ
ﺍﺱ ﻣﺤﻔﻞِ ﮐﯿﻒ ﻭ ﻣﺴﺘﯽ ﻣﯿﮟ ﺍﺱ ﺍﻧﺠﻤﻦِ ﻋﺮﻓﺎﻧﯽ ﻣﯿﮟ
ﺳﺐ ﺟﺎﻡِ ﺑﮑﻒ ﺑﯿﭩﮭﮯ ﮨﯽ ﺭﮨﮯ، ﮨﻢ ﭘﯽ ﺑﮭﯽ ﮔﺌﮯ ﭼﮭﻠﮑﺎ ﺑﮭﯽ گئے
اسرار الحق ﻣﺠﺎﺯؔ لکھنوی
المرسل: فیصل خورشید