آگ جلائیے، کہیں ریت سے گھر بنائیے
.
سَر میں بھی دُھن سما چکی ‘ دل بھی فَضا بنا چکا
راستہ گھر تک آچکا، اب تو سفر پہ جائیے
.
ارض و سما لپیٹ کر، دہر کے غم سمیٹ کر
راہ گذر پہ بیٹھ کر’ روئیے/ گیت گائیے
.
آہ ! شرارِ اشک سے’ دامنِ دل بھی جل گیا
اور ہوا کو چھیڑیے، اور دیے جلائیے
.
درد کو دل میں بھرلیا، دشت میں بھی بکھرلیا
مَوت کو یاد کرلیا، اب اسے بھول جائیے
.
میں نے خموش کردیا ‘ سارے جہاں کے شور کو
آپ مِرے سکوت سے’ کوئی سخُن بنائیے
.
کوئی نہیں، کہیں نہیں، بزم میں اور رزم میں
گم شدہ گاں کے درمیاں’ خود کو کہاں سے لائیے
( احــمدؔ شــہریـار )