ﺩﻧﯿﺎ ﮐﯽ ﻭﮨﯽ ﺭﻭﻧﻖ، ﺩﻝ ﮐﯽ ﻭﮨﯽ ﺗﻨﮩﺎﺋﯽ
ﺍﮎ ﻟﺤﻈﮧ ﺑﮩﮯ ﺁﻧﺴﻮ، ﺍﮎ ﻟﺤﻈﮧ ﮨﻨﺴﯽ ﺁﺋﯽ
ﺳﯿﮑﮭﮯ ﮨﯿﮟ ﻧﺌﮯ ﺩﻝ ﻧﮯ ﺍﻧﺪﺍﺯِ ﺷﮑﯿﺒﺎﺋﯽ
ﯾﮧ ﺭﺍﺕ ﮐﯽ ﺧﺎﻣﻮﺷﯽ ﯾﮧ ﻋﺎﻟﻢِ ﺗﻨﮩﺎﺋﯽ
ﭘﮭﺮ ﺩﺭﺩ ﺍﭨﮭﺎ ﺩﻝ ﻣﯿﮟ ﭘﮭﺮ ﯾﺎﺩ ﺗﺮﯼ ﺁﺋﯽ
ﺍﺱ ﻋﺎﻟﻢِ ﻭﯾﺮﺍﮞ ﻣﯿﮟ ﮐﯿﺎ ﺍﻧﺠﻤﻦ ﺁﺭﺍﺋﯽ
ﺩﻭ ﺭﻭﺯ ﮐﯽ ﻣﺤﻔﻞ ﮨﮯ ﺍﮎ ﻋﻤﺮ ﮐﯽ ﺗﻨﮩﺎﺋﯽ
ﺍﺱ ﻣﻮﺳﻢِ ﮔﻞ ﮨﯽ ﺳﮯ ﺑﮩﮑﮯ ﻧﮩﯿﮟ ﺩﯾﻮﺍﻧﮯ
ﺳﺎﺗﮫ ﺍﺑﺮِ ﺑﮩﺎﺭﺍﮞ ﮐﮯ ﻭﮦ ﺯﻟﻒ ﺑﮭﯽ ﻟﮩﺮﺍﺋﯽ
ﮨﺮ ﺩﺭﺩِ ﻣﺤﺒّﺖ ﺳﮯ ﺍﻟﺠﮭﺎ ﮨﮯ ﻏﻢِ ﮨﺴﺘﯽ
ﮐﯿﺎ ﮐﯿﺎ ﮨﻤﯿﮟ ﯾﺎﺩ ﺁﯾﺎ ﺟﺐ ﯾﺎﺩ ﺗﺮﯼ ﺁﺋﯽ
ﭼﺮﮐﮯ ﻭﮦ ﺩﯾﮯ ﺩﻝ ﮐﻮ ﻣﺤﺮﻭﻣﯽٔ ﻗﺴﻤﺖ ﻧﮯ
ﺍﺏ ﮨﺠﺮ ﺑﮭﯽ ﺗﻨﮩﺎﺋﯽ ﺍﻭﺭ ﻭﺻﻞ ﺑﮭﯽ ﺗﻨﮩﺎﺋﯽ
ﺟﻠﻮﻭﮞ ﮐﮯ ﺗﻤﻨّﺎﺋﯽ ﺟﻠﻮﻭﮞ ﮐﻮ ﺗﺮﺳﺘﮯ ﮨﯿﮟ
ﺗﺴﮑﯿﻦ ﮐﻮ ﺭﻭﺋﯿﮟ ﮔﮯ ﺟﻠﻮﻭﮞ ﮐﮯ ﺗﻤﻨّﺎﺋﯽ
ﺩﯾﮑﮭﮯ ﮨﯿﮟ ﺑﮩﺖ ﮨﻢ ﻧﮯ ﮨﻨﮕﺎﻣﮯ ﻣﺤﺒّﺖ ﮐﮯ
ﺁﻏﺎﺯ ﺑﮭﯽ ﺭﺳﻮﺍﺋﯽ، ﺍﻧﺠﺎﻡ ﺑﮭﯽ ﺭﺳﻮﺍﺋﯽ
ﺩﻧﯿﺎ ﮨﯽ ﻓﻘﻂ ﻣﯿﺮﯼ ﺣﺎﻟﺖ ﭘﮧ ﻧﮩﯿﮟ ﭼﻮﻧﮑﯽ
ﮐﭽﮫ ﺗﯿﺮﯼ ﺑﮭﯽ ﺁﻧﮑﮭﻮﮞ ﻣﯿﮟ ﮨﻠﮑﯽ ﺳﯽ ﭼﻤﮏ ﺁﺋﯽ
ﺍﻭﺭﻭﮞ ﮐﯽ ﻣﺤﺒﺖ ﮐﮯ ﺩﮨﺮﺍﺋﮯ ﮨﯿﮟ ﺍﻓﺴﺎﻧﮯ
ﺑﺎﺕ ﺍﭘﻨﯽ ﻣﺤﺒﺖ ﮐﯽ ﮨﻮﻧﭩﻮﮞ ﭘﮧ ﻧﮩﯿﮟ ﺁﺋﯽ
ﺍﻓﺴﻮﻥِ ﺗﻤﻨّﺎ ﺳﮯ ﺑﯿﺪﺍﺭ ﮨﻮﺋﯽ ﺁﺧﺮ
ﮐﭽﮫ ﺣﺴﻦ ﻣﯿﮟ ﺑﮯ ﺑﺎﮐﯽ ﮐﭽﮫ ﻋﺸﻖ ﻣﯿﮟ ﺯﯾﺒﺎﺋﯽ
ﻭﮦ ﻣﺴﺖ ﻧﮕﺎﮨﯿﮟ ﮨﯿﮟ ﯾﺎ ﻭﺟﺪ ﻣﯿﮟ ﺭﻗﺼﺎﮞ ﮨﮯ
ﺗﺴﻨﯿﻢ ﮐﯽ ﻟﮩﺮﻭﮞ ﻣﯿﮟ ﻓﺮﺩﻭﺱ ﮐﯽ ﺭﻋﻨﺎﺋﯽ
ﺁﻧﮑﮭﻮﮞ ﻧﮯ ﺳﻤﯿﭩﮯ ﮨﯿﮟ ﻧﻈﺮﻭﮞ ﻣﯿﮟ ﺗﺮﮮ ﺟﻠﻮﮮ
ﭘﮭﺮ ﺑﮭﯽ ﺩﻝِ ﻣﻀﻄﺮ ﻧﮯ ﺗﺴﮑﯿﻦ ﻧﮩﯿﮟ ﭘﺎﺋﯽ
ﺳﻤﭩﯽ ﮨﻮﺋﯽ ﺁﮨﻮﮞ ﻣﯿﮟ ﺟﻮ ﺁﮒ ﺳﻠﮕﺘﯽ ﺗﮭﯽ
ﺑﮩﺘﮯ ﮨﻮﺋﮯ ﺍﺷﮑﻮﮞ ﻧﮯ ﻭﮦ ﺁﮒ ﺑﮭﯽ ﺑﮭﮍﮐﺎﺋﯽ
ﯾﮧ ﺑﺰﻡِ ﻣﺤﺒّﺖ ﮨﮯ، ﺍﺱ ﺑﺰﻡِ ﻣﺤﺒّﺖ ﻣﯿﮟ
ﺩﯾﻮﺍﻧﮯ ﺑﮭﯽ ﺷﯿﺪﺍﺋﯽ، ﻓﺮﺯﺍﻧﮯ ﺑﮭﯽ ﺷﯿﺪﺍﺋﯽ
ﭘﮭﯿﻠﯽ ﮨﯿﮟ ﻓﻀﺎﺅﮞ ﻣﯿﮟ ﺍﺱ ﻃﺮﺡ ﺗﺮﯼ ﯾﺎﺩﯾﮟ
ﺟﺲ ﺳﻤﺖ ﻧﻈﺮ ﺍُﭨّﮭﯽ ﺁﻭﺍﺯ ﺗﺮﯼ ﺁﺋﯽ
ﺍﮎ ﻧﺎﺯ ﺑﮭﺮﮮ ﺩﻝ ﻣﯿﮟ ﯾﮧ ﻋﺸﻖ ﮐﺎ ﮨﻨﮕﺎﻣﮧ
ﺍﮎ ﮔﻮﺷﮧٴ ﺧﻠﻮﺕ ﻣﯿﮟ ﯾﮧ ﺩﺷﺖ ﮐﯽ ﭘﮩﻨﺎﺋﯽ
ﺍﻥ ﻣﺪﮪ ﺑﮭﺮﯼ ﺁﻧﮑﮭﻮﮞ ﻣﯿﮟ ﮐﯿﺎ ﺳﺤﺮ ﺗﺒﺴّﻢ ﺗﮭﺎ
ﻧﻈﺮﻭﮞ ﻣﯿﮟ ﻣﺤﺒﺖ ﮐﯽ ﺩﻧﯿﺎ ﮨﯽ ﺳﻤﭧ ﺁﺋﯽ
( ﺻﻮﻓﯽ ﻏﻼﻡ ﻣﺼﻄﻔٰﯽ ﺗﺒﺴﻢ )
[ad_2]