میں تیرے سنگ کیسے چلوں سجنا ؟؟
تُو سمندر ھے ، میں ساحلوں کی ھَوا
تم میرا ھاتھ ھاتھوں میں لے کے چلے
مہربانی تیری
تیری آنکھوں سے دل کا دریچہ کھلے
میں دیوانی تیری
تو غبارِ سُخن ، میں فضاء کے صدا.
تُو سمندر ھے ، میں ساحلوں کی ھَوا
تو بہاروں کی ، خوشبو بھری شام ھے
میں ستارہ تیرا
زندگی کی ضمانت تیرا نام ھے
تُو سہارا میرا
میں نے سارے زمانے میں ، تجھ کو چُنا.
تُو سمندر ھے ، میں ساحلوں کی ھَوا
تم چلو تو ستارے بھی چلنے لگیں
آنسوؤں کی طرح
خواب ھی خواب ، آنکھوں میں جلنے لگیں
آرزو کی طرح.
تیری منزل بنے ، میرا ھر راستہ
تُو سمندر ھے ، میں ساحلوں کی ھَوا
”امجد اسلام امجد“
بشکریہ
https://www.facebook.com/Inside.the.coffee.house