ترے جلووں کے آگے ہمّتِ شرح و بیاں رکھ دی
زبانِ بے نِگہ رکھ دی، نِگاہِ بے زباں رکھ دی
مِٹی جاتی تھی بُلبُل جلوۂ گُلہائے رنگیں پر
چُھپا کر کِس نے اِن پردوں میں برقِ آشیاں رکھ دی
نیازِ عِشق کو سمجھا ہے کیا اے واعظِ ناداں !
ہزاروں بن گئے کعبے، جبِیں میں نے جہاں رکھ دی
قفس کی یاد میں، یہ اِضطرابِ دل، معاذ اللہ !
کہ میں نے توڑ کر ایک ایک شاخِ آشیاں رکھ دی
کرشمے حُسن کے پنہاں تھے شاید رقصِ بِسمِل میں
بہت کچھ سوچ کر ظالم نے تیغِ خُوں فشاں رکھ دی
الٰہی ! کیا کِیا تُو نے، کہ عالم میں تلاطم ہے
غضب کی ایک مُشتِ خاک زیرِ آسماں رکھ دی
[ad_2]