ان غزلوں میں نواب جان ”زیب النساء“ کا دل دھڑک رھا ھے۔ کیا کمال کمپوزیشنز ھیں جگجیت سنگھ کی اور کس خوبصورتی سے چترا نے گایا۔
عشق مجھ کو نہیں ، وحشت ھی سہی
میری وحشت، تیری شہرت ھی سہی
قطع کیجیے نہ تعلّق ھم سے
کچھ نہیں ھے، توعداوت ھی سہی
میرے ھونے میں ، ھے کیا رُسوائی؟
اے وہ مجلس نہیں ، خلوت ھی سہی
ھم بھی دشمن تو نہیں ھیں اپنے
غیر کو تجھ سے محبت ھی سہی
اپنی ھستی ھی سے ھو، جو کچھ ھو
آگہی گر نہیں، غفلت ھی سہی
عمر ھر چند کہ ھے برق خرام
دل کے خوں کرنے کی ، فرصت ھی سہی
ھم کوئی ترک وفا کرتے ھیں
نہ سہی عشق ، مصیبت ھی سہی
کچھ تو دے ، اے فلکِ نا انصاف
آہ وفریاد کی رُخصت ھی سہی
یار سے چھیڑ چلی جائے ، اسد
گر نہیں وصل تو حسرت ھی سہی
————————————————————-
کسی کو دے کے دل کوئی ، نواسنجِ فغاں کیوں ھو ؟؟
نہ ھو جب دل ھی سینے میں ، تو پھر منہ میں زباں کیوں ھو ؟؟
وہ اپنی خو نہ چھوڑیں گے ، ھم اپنی وضع کیوں چھوڑیں
سبک سر بن کے کیا پوچھیں کہ ھم سے سر گراں کیوں ھو؟؟
کِیا غم خوار نے رسوا ، لگے آگ اس محبّت کو
نہ لاوے تاب جو غم کی ، وہ میرا راز داں کیوں ھو ؟؟
وفا کیسی ، کہاں کا عشق ، جب سر پھوڑنا ٹھہرا
تو پھر اے سنگ دل تیرا ھی سنگِ آستاں کیوں ھو ؟؟
قفس میں مجھ سے رودادِ چمن کہتے نہ ڈر ھمدم
گری ھے جس پہ کل بجلی ، وہ میرا آشیاں کیوں ھو ؟؟
یہ کہہ سکتے ھو “ھم دل میں نہیں ھیں” پر یہ بتلاؤ
کہ جب دل میں تمہی تم ھو تو آنکھوں سے نہاں کیوں ھو ؟؟
یہ فتنہ آدمی کی خانہ ویرانی کو , کیا کم ھے
ھوئے تم دوست جس کے، دشمن اس کا آسماں کیوں ھو ؟؟
یہی ھے آزمانا تو ، ستانا کس کو کہتے ھیں ؟؟
عدو کے ھو لیے جب تم ، تو میرا امتحاں کیوں ھو ؟؟
کہا تم نے کہ کیوں ھو , غیر کے ملنے میں رسوائی
بجا کہتے ھو ، سچ کہتے ھو ، پھر کہیو کہ ھاں کیوں ھو ؟؟
نکالا چاھتا ھے کام کیا طعنوں سے تُو غالبؔ
ترے بے مہر کہنے سے ، وہ تجھ پر مہرباں کیوں ھو ؟؟
”مرزا اسداللہ خاں غالب“[fb_vid id=”2380782512208733″]
بشکریہ
https://www.facebook.com/Inside.the.coffee.house