بین سنتا ہے نہ فریاد و فغاں دیکھتا ہے
ظلم انصاف کے معیار کہاں دیکھتا ہے
جان جاتی ہے کہ رہتی ہے یہ دنیا دیکھے
عشق کب مرحلہ سود و زیاں دیکھتا ہے
خون میں ڈوبے ہوئے سجدہ گزاروں کا دیار
کوئی دن اور کہ اک تازہ جہاں دیکھتا ہے
موسم جبر کی بنیاد میں پلتا ہوا خوف
سرفروشوں میں وہی عزمِ جواں دیکھتا ہے
لوحِ امکاں پہ جو تحریر ہے اِک خواب کا نقش
ہم نہ پڑھ پائیں جہانِ گزراں دیکھتا ہے
فتح و نصرت کی خبر خلقِ خُدا سنتی ہے
جشنِ فردا کیا سماں وقتِ رواں دیکھتا ہے
شاعرِ وادیِ لولاب کا یہ حلقہ بگوش
اسی وادی کی طرف شعلہ بجاں دیکھتا ہے
ترکش و تیغ نہ پیکان و سناں دیکھتا ہے
حرفِ حق جانبِ صاحب نظراں دیکھتا ہے
افتخار عارف
از:-کتابِ دل و دُنیا ص ۵۶۲/۵۶۳
انتخاب
سفیدپوش
[ad_2]