بادشـاہی ‘ نہ امیـری سے ہُوا
کام آســان فقیـری سے ہُوا
آدمی خاص ہُوا محفل میں
خاص ۔۔۔ بے دار ضمیـری سے ہُوا
فاصلہ خوب رہا منبر سے
ذہن آزاد اَسِــیری سے ہُوا
سَـر بَلندی کی طلب کا مارا
سَـرنِگوں عیش پذیـری سے ہُوا
بَوجھ آغاز مِرے کاندھے پر
ناتُواں باپ کی پیـری سے ہُوا
رنگ اَشــعار کا اِتنا موزُوں
غالَبـی سے ‘ کبھی مِیـری سے ہُوا
تنگ دامانِ بصــیـرت ‘ ناصِــرؔ !
شــہر کا ۔۔ـ حاشــیـہ گِیـری سے ہُوا
( ناصِــرؔ عـلــی )