چَمکا ہے کیوں نُور اس قدر روشن ہیں جِس سے بام و دَ…

[ad_1] چَمکا ہے کیوں نُور اس قدر روشن ہیں جِس سے بام و دَر
جِس پر فِدا نُورِ سَحر جِس سے خَجِل شَمس و قَمر
ہے کِس کی آمد کا اَثر ہوتا ہے کون اب جلوہ گَر
ہَر گَھر تَجلّی کا ہے گھر ہَر جا ہے مُوسٰی کی نَظر

ہَر نَخل قَدِ حُور ہے ہَر شاخ برقِ طُور ہے
شَفاف ہر اَنگور ہے بے مے ہَر اک مَسرور ہے
جو شے قریب و دُور ہے آئینۂ بلّور ہے
پَھیلا ہُوا اِک نُور ہے زیرِ قَدم بالائے سَر

کہتے ہیں شیخ و برہمن، سب کا جُدا ہے بانکپن
کَپڑونکی ہے طُرفہ پَھبن ، ہے خُوبرو ہَر مَرد و زَن
آنکھیں ہِرن غُنچہ دَہن ، سِیمیں ذَقن شیریں سُخن
نازک بَدن گُل پیرہن ، شَفاف تَن آئینہ بَر

مُنہ دیکھنے اُس شوخ کا ، بے چین ہَر کوئی ہُوا
گُل شاخِ گُل سے گِر پَڑا ، بُلبل ہُوئی گُل سے خَفا
خورشید سے بِگڑی ضِیا آئینہ سے رُوٹھی صَفا
پَتھر سے لعلِ بے بہا ، دریا سے مَرجان و گُہر

نَطارہ آنکھوں سے خَجِل ، آنکھیں کَہیں جائیں نہ مِل
اَرمانِ جاں ہیں جاں گسِل ، ہَٹتے ہیں ہو کر مُتصِل
سینہ سے جانِ مُضمحِل ، نُور آنکھ سے عارض سے تِل
رَگ سے لَہُو قالب سے گِل ، پہلُو سے دِل دِل سے جِگر

ہاتھوں میں غِلماں لے کے دَف ، اِستادہ ہو کر صَف بہ صَف
کہتے ہیں آدم کا خَلف ، اِک لعل ہے باقی خَزف
آتا ہے لو قُرآں بَکف ، فَخرِ رَسولانِ سَلف
جو لامکاں کے اُس طَرف ، تھا عرشِ اَعظم کے اُدھر

جب لاتعیّن لا ہُوا ، رَنگِ تَعیّن جَم گَیا
اِک غَیب سے پَردہ اُٹھا ، نَقشہ مُحمد کا کِھنچا
جِس پَر مُصور ہے فِدا ، ہاں وہ مُصور کون تھا
خود ہی اَحد اَحمد بَنا ، کیوں خَم نہ ہو سَجدے کو سَر

کیا رَنگ ہے ، کیا ڈَھنگ ہے کیا شوخ ہے ، کیا شَنگ ہے
کتنا یہ خوش آہنگ ہے ، داؤد بھی دِل تَنگ ہے
عَرش اس کا اِک اورنگ ہے، جِس سے سُلیماں دَنگ ہے
مُٹھی میں گویا سَنگ ہے، پَڑھتے ہیں لو کَلمہ حجر

اِدراک نے دانائی سے ، دانائی نے بِینائی سے
بِینائی نے ہَرجائی سے ، ہَرجائی نے رُسوائی سے
رُسوائی نے سودائی سے ، سودائی نے تَنہائی سے
تَنہائی نے یَکتائی سے ، سیکھا ہے وَحدت کا ہُنر

خورشید نے تَنویر سے ، تَنویر نے تَصویر سے
تَصویر نے تاثیر سے ، تاثیر نے تَقریر سے
تَقریر نے تحریر سے ، تحریر نے تَدبیر سے
تَدبیر نے تَقدیر سے ، پائی ہے نُورانی سَحر

حُوریں بَرائے آمنہ ، پہنچی ہیں جائے آمنہ
لُطفِ خُدائے آمنہ ، حاجت روائے آمنہ
ہے شہ گَدائے آمنہ ، آیا ہمائے آمنہ
کِس کو سِوائے آمنہ، رَب نے دیا ایسا پسر

ظاہر ہُوا اُمّی لَقب ، ظاہر ہُوا کُل کا سَبب
ظاہر ہُوا عالی حَسب ، ظاہر ہُوا والا نَسب
ظاہر ہُوا مہرِ طرب ، ظاہر ہُوا ماہِ عَرب
ظاہر ہُوا مَحبوبِ رَب ،وحدت طَلب خیر البشر

پَیدا ہُوا شاہِ شَہاں، رونق دَہِ کون و مکاں
زِینت فَزائے دو جہاں، عُقدہ کُشائے کُن فِکاں
سِر نِہاں عینِ عَیاں ، فَخرِ زَماں رَطب اللساں
رُوحِ رَواں آرامِ جاں، جِسکا ہے میرے دِل میں گَھر

غیب آشیاں پَیدا ہُوا ، وَحدت نِشاں پیدا ہُوا
کَثرت مکاں پیدا ہُوا ، راحت رَساں پیدا ہُوا
شیریں بَیاں پیدا ہُوا ، شیریں زباں پیدا ہُوا
شیریں دَہاں پیدا ہُوا ، پیدا ہُوا رشکِ قَمر

عاشق ہُوئے سَب مَہ لَقا ، عاشق ہُوئے سَب دِلرُبا
عاشق ہُوئے سَب اَتقیاء ، عاشق ہُوئے سب اَصفیاء
عاشق ہوئے سب اولیاء، عاشق ہُوئے سب اَنبیاء
عاشق ہُوا ہے خود خُدا ، دِل دیدیا مُنہ دیکھ کر

کیا چیز ہے حُور و پَری ، کیا ہیں بُتانِ آذری
کیا مال زُہرہ مشتری ، اس کا خُدا ہے مشتری
کوئی کَرے گَر خود سَری ، غَمزے بَصد عَشوہ گَری
کچھ کر کے فنِ دِلبری ، لیں گے دل و جان و جِگر

کیا نرگسِ مخمور ہے، جامِ مے اَنگور ہے
کیا چہرۂ مَسرور ہے، جو حُسن سے مَعمور ہے
کیا گردنِ پُر نور ہے ، اک کُوزۂ بلّور ہے
قَد رَشکِ قَدِ حُور ہے، جِس سے قیامت کو ہے ڈَر

کیا فہم کیا اِدراک ہے ، کیا جامہ کیا پوشاک ہے
کیا چُست کیا چالاک ہے، کیا شوخ کیا سَفاک ہے
کیا آنکھ ہے کیا ناک ہے ، کیسا شہ لولاک ہے
دِل پاک ہے مُنہ پاک ہے ، بے عیب ہے یہ با ہُنر

مِژگاں دَراز و کَج اَدا ، آنکھیں سیاہ و پُر ضیا
جِن میں دَمِ دیدِ خُدا ، ما زاغ کا سُرمہ لَگا
ہے قابَ قوسین اور کیا ، ہاں غور سے دیکھو ذَرا
جب دو کمان ہوں ایک جا ، اک دائرہ آئے نَظر

وہ گیسوئے عَنبر فشاں ، ہے شمع ایمن کا دُھواں
مُوسٰی کی آنکھیں ہیں کَہاں ، آئیں نَظارے کو یہاں
اُس کا بَدن ہے مِثلِ جاں، کیا ہو لَطافت کا بیاں
ایسا ہے وہ نازک میاں، پَٹکا اِدھر سے ہو اُدھر

مارو مُجھے رَفتار سے ، زِندہ کَرو گُفتار سے
میں دُور ہُوں سَرکار سے ، مَیں دُور ہُوں دَربار سے
مَحروم ہُوں دیدار سے ، شِکوہ کَروں کیا یار سے
پَڑ جائے اے جاں پیار سے ، مائل پہ اِک تِرچھی نَظر

کلام ڈاکٹر احمد حُسین مائل


[ad_2]

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

جواب چھوڑیں

Hey there!

Forgot password?

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…

Situs sbobet resmi terpercaya. Daftar situs slot online gacor resmi terbaik. Agen situs judi bola resmi terpercaya. Situs idn poker online resmi. Agen situs idn poker online resmi terpercaya. Situs idn poker terpercaya.

situs idn poker terbesar di Indonesia.

List website idn poker terbaik.

Situs slot terbaru terpercaya

slot hoki terpercaya

Bergabung di Probola situs judi bola terbesar dengan pasaran terlengkap bergabunglah bersama juarabola situs judi bola resmi dan terpercaya hanya di idn poker terpercaya 2022 daftar sekarng di agen situs slot online paling baik se indonesia
trading binomo bersama https://binomologin.co.id/ daftar dan login di web asli binomo