نوحؔ ناروی
جوشؔ ملیسانی
سیمابؔ اکبر آبادی
۔۔۔۔۔
سب کہتے ہیں آفت ہے غمِ عِشق بلا ہے
یہ بھی نہیں وہ بھی نہیں کیا جانیے کیا ہے
لاتا نہیں ایمان کوئ عِشق و وفا پر
یعنی وہی شک ہے وہی کیوں ہے وہی کیا ہے
نِکلیں دِل پر داغ سے آہیں دمِ گِریہ
بھیگی ہُوئ گُلزارِ محبّت کی فضا ہے
طُوفانِ محبّت میں کوئ بس نہیں چلتا
کشتی کی طرح نوحؔ کا دِل ڈُوب رہا ہے
۔۔۔۔۔
ہر گام پر آفت ہے مُصیبت ہے بلا ہے
دُنیا مِری نظروں میں گُناہوں کی سزا ہے
اے مستِ رُعُونت یہ جوانی نہ رہے گی
جِس حُسن پہ نازاں ہے وہ پر تول رہا ہے
کُچھ جذبہء صادِق ہو کُچھ اِخلاصِ واردات
اِس ہمیں کیا بحث وہ بُت ہے کہ خُدا ہے
خوش فِکر تو اے جوشؔ ہزاروں نظر آۓ
لیکِن سُخنِ داغؔ عالم ہی نیا ہے
۔۔۔۔۔
لفظوں کے پرستار خبر ہی تُجھے کیا ہے
جب دِل سے لگی ہو تو خموشی بھی دُعا ہے
کُچھ نقص نہیں دِل آویز میں لیکِن
یہ نقص ہی کیا کم ہے کہ محرُومِ وفا ہے
یہ جاتی ہُوئ رات کا گاتا ہُوا عالم
خاموش ہر اِک چیز ہے دِل بول رہا ہے
خاکسترِ محفِل کو نہ ٹھُکرائیے سیمابؔ
یہ خاک نہیں مقبرہء اہلِ وفا ہے۔۔۔!
بشُکریہ عُمر جاوید خان
[ad_2]