مرنے کے بعد بھی مری نیت بندھی رہی
اللہ رے مذاقِ محبت ترے فریب
انسانیت کے بھیس میں دیوانگی رہی
محبوبِ اعتقاد رہا گو ترا وجود
پھر بھی مری نگاہ تجھے دیکھتی رہی
ارمان میں نے دفن کۓ گردِ یاس میں
پچھلے پہر غبار سی جب چاندنی رہی
میں باوجود علم رہا صیدِ التفات
کیا کیا مجھے فریب سے دلبستگی رہی
تیرنگ دیکھۓ شفقِ گل کے شامِ ہجر
اک آگ سی فضائے نظر میں لگی رہی
آۓ ہزار گردشِ دوراں سے انقلاب
لیکن میں کیا کروں مری دنیا وہی رہی
اب تو وداع ہوتے ہیں یارانِ بزم سے
سیمابؔ پھر ملیں گے، اگر زندگی رہی
سیمابؔ اکبر آبادی
المرسل: فیصل خورشید
[ad_2]