Sep 03, 2009
شوکت واسطی کا پورا نام صلاح الدین شوکت واسطی تها اور والد کا نام سید نعمت علی واسطی تها.وہ یکم اکتوبر 1922 کو ملتان پاکستان میں پیدا هوئے اور 3 ستمبر 2009 میں اس دار_فانی سے رحلت فرما گئے.انہوں نے گورڈن کالج راولپنڈی سے بی اے کے بعد ایڈورڈ کالج پشاور سے تاریخ میں ماسٹر کیا اور پهر اسی شعبہ سے منسلک رہے اور ادب کی خدمت کرت رہے.
مرحوم بہت ساری کتابوں کے مصنف تهے جن میں گیت نظم طویل نظم غزل تراجم سوانح اور تاریخ کی کئی کتابیں شائع هو چکی ہیں. ان کی کلیات بھی ” کلیاتِ شوکت واسطی ” کے نام سے چار جلدوں میں چھپ چکی ھے
منتخب کلام
شوکت ھمارے ساتھ بڑا حادثہ ھوا
ھم رہ گئے ، ہمارا زمانہ چلا گیا
۔۔۔۔۔۔۔۔۔۔۔۔
بڑے وثوق سے دُنیا فریب دیتی رہی
بڑے خلوص سے ہم اعتبار کرتے رہے
۔۔۔۔۔۔۔۔۔۔۔۔
ہم زندگی کی جنگ میں ہارے ضرور ہیں
لیکن کسی محاذ سے __ پسپا نہیں ہوئے
۔۔۔۔۔۔۔۔۔۔۔۔
وہ بزم آرائی فرماتا رہے گا
کوئی آتا کوئی جاتا رہے گا
ہماری بات رہ جائے گی شوکت
زمانہ ہم کو دہراتا رہے گا
۔۔۔۔۔۔۔۔۔۔۔
ہم نبرد آزما تھے دشمن سے
دوست نے بھی محاذ کھول دیا
۔۔۔۔۔۔۔۔۔
حوصلہ پست ہی سہی شوکتؔ
ہم ارادے بلند رکھتے ہیں
۔۔۔۔۔۔۔۔
راه میں رهرو ملا هی کرتے هیں
تم همیں دیکھ کر گزر جاتے
۔۔۔۔۔۔۔۔۔۔
ہر بات زندگی میں بڑی دیر سے ہوئی
منزل پہ اؔ لیئے تو ہمیں ہمسفر ملے
۔۔۔۔۔۔۔۔
عجیب دوَر ہے ہر شخص یہ ہی سوچتا ہے
تمام شہر جلے، ایک میرا گھر نہ جلے
۔۔۔۔۔۔۔۔۔۔
[ad_2]