فلک کے دامن پہ چاند تارا سجائے رکھنا
ھوا پہ سبزہ جمائے رکھنا۔۔۔ھوا پہ سبرہ جمائے رکھنا
حزیں تھے سرو و سمن فروغ ِ چمن نہیں تھا
یہاں وھاں گُل کھلے مگر بانکپن نہیں تھا
نگاہ ایسی تہی سُراغ ِکرن نہیں تھا
بھٹک رھے تھے کہ گھر نہیں تھا وطن نہیں تھا
وطن کا پرچم اٹائے رکھنا
فلک کے دامن پہ چاند تارا سجائے رکھنا
کڑی مسافت کے بعد ھم کو شجر ملا ھے
کٹا کے کتنے ھی سر و قامت ثمر ملا ھے
ھزار کُوچے اجاڑ کر اک نگر ملا ھے
لُٹائے کتنے ھی گھر تبھی ایک گھر ملا ھے
یہ گھر عدو سے بچائے رکھنا
فلک کے دامن پہ چاند تارا سجائے رکھنا
خلوص، مہر و وفا محبت کے گُل لگائیں
چہار سُو امن و آشتی کی ھوا چلائیں
چمن ملا ھے تو اس کو رشک ِارم بنائیں
خوشی منائیں ، دھنک سے ھم بام و در سجائیں
سجی یہ الفت سرائے رکھنا
فلک کے دامن پہ چاند تارا سجائے رکھنا
میجر شہزاد نیر
[ad_2]