کہیں تھی راکھ’ کہیں تھا دھواؑں ‘ کہیں تھی آگ
فلک ڈھکا تھا ستاروں سے جب ‘ زمیں تھی آگ
جمے ہوئے لب و رخسار بھی دہک رہے تھے
حصارِ موسِــمِ برفاب میں حَسیں تھی آگ
حدود جسم سے باہر نکل کے سرد لگی
قیود جسم میں تھی جب تو بَہ ترِیں تھی آگ
عداوتوں میں نئے رنگ بھر رہا تھا وہ
بغل میں سانپ تھے اور زیرِ آستیں تھی آگ
سفر کا بَوجھ برابر رہا ہے دونوں پر
جہاں جہاں بھی تھا پانی ‘ وہیں وہیں تھی آگ
وجود ۔۔۔۔ لمس کی لذّت سے نا شناس رہا
وہ ہاتھ سرد تھا حیــدرؔ ! مِری جبیں تھی آگ
( فقیــہہؔ حیــدر )