خواہش
مجھ کو تحفے میں تو کچھ نہیں چاھئے
کوئی کنگن نہیں کوئی چوڑی نہیں
کوئی گجرا نہیں کوئی پائل نہیں۔۔۔
نہ ہی بندے نہ میک اپ نہ جوڑا کوئی
کوئی کاجل نہیں کوئی پائل نہیں۔۔۔۔۔
نہ ہی خوشبو کوئی نہ ہی جگنو کوئی ،
نہ ہی چنری کوئی نہ ہی تتلی کوئی
رنگ – افلاک قوس قزح کچھ نہیں ۔۔۔
ہم قدم ہم سفر! باخدا کچھ نہیں
ہاں کچھ ایسا ہے کہ ۔۔۔
ایک خواہش ھے جو کہ ازل تا ابد۔۔
ایک خواہش رھے تو بھی خواہش کی انگلی پکڑ کر سدا
تنہا رہ لوں گی میں۔۔۔۔۔
موت سہہ لوں گی میں
اب یہ پوچھو بھی تو
میری خواہش ھے کیا؟
آنکھیں میچو تو کانوں میں آکر بتاوں تمہیں
خود غرض ہوں میں کتنی دکھاؤں تمہیں۔۔۔
آنکھیں کھولو تو دیکھو زرا اک نظر
میرے اشکوں سے لکھا ہوا
دشت کی ریت پر ۔۔۔
مجھ کو تم چاھئے ہو خدا کی قسم!
ماسوا اک تمہارے کوئی مجھ کو چاھت نہیں۔۔۔
کوئی چاھت نہیں
کوئی چاھت نہیں ۔۔۔۔۔
دیکھو! کہتی نہیں تھی میں خود غرض ہوں۔۔۔
میرا خود غرض ہونا پسند ائے تو ۔۔۔
آج ایسا کرو
میرے ہاتھوں کو تم ہاتھ میں تھام کر۔۔۔
بس زرا سی حنا ہاتھ میں تم بھرو!
ہاں مگر سوچ کر
کیونکہ ایسا ھے کہ
مجھ کو رنگ حنا راس آتا نہیں۔۔۔