میں ہوں خراب حال، مِرے ہم زباں زبُوں
کہیے کہ دل کی بات کہوں تو کہاں کہُوں ؟
اب تو کہیں بھی کُھلتے نہیں ہیں کلی سے لب
جو بات بھی سنوں، بَہ زبانِ سِــناں سنُوں
ہر فرد ہی حــدودِ زمانہ کا ہے اسیر
میں کس کے ساتھ سیرِ دلِ بے کراں کرُوں ؟
گفتار مختلف ، کہیں کردار مختلف
کیسے؟ تمہارے ساتھ ‘ مَیں اے ہم رَہاں !! رہُوں
جب دل نے لے لیا اُنہیں تحویلِ روح میں
ممکن نہیں کبھی ہوں مِرے دل بَراں برُوں
یہ میرے سَر سوار ہیں طــارقؔ ! جو ہلکے لوگ
میں کیوں نہ اُن پہ صورت ِ کوہِ گراں گِــرُوں ؟
( طـــارِقؔ ہاشِــمـی )