روشنی کے رتھ کی باگیں, کھینچ لے سورج نژاد
سندھ کی دھرتی پہ رک اے راجپوتا, شاہ زاد !
پاس کے باغوں سے اٹھتی سرخ سیبوں کی مہَک
دُور کے کھیتوں میں اُگتا سبز انگوری کٙماد
چند مقداروں سے آگے کچھ نظر آتا نہیں
ہو کسی تاریک شے کے باب میں کچھ اجتہاد
نوش کر بیٹھا ہوں اک جُرعے میں جامِ التفات
یار ! پیمانے میں باقی رہ گئی ہے صرف گٙاد
مٙرگ کی شب کو ہماری سَمت سے خوش آمدید
زیست کی پُر کیف و تا بندہ سحَر کو خیر باد
بندہء مولاے طیبہ ہوں خدا کے فضل سے
پا تلے رکھتا ہوں گردِ ریگ زارِ اِرتداد
( احــــمدؔ جــہاں گیــر )