ہجوم ِ خلق ســـــــــــرِ رہ گذار آتا ہے
کہـاں سے دیکھیے وہ شہ سوار آتا ہے
یوں قافیے میں تـِــــــرا نام آ گیا ‘ جیسے
سَــحاب ِ ســایہء مـِــــــژگان ِ یار آتا ہے
میں چھوڑ دوں کہیں سب کچھ ۔۔۔ مگرنہ جانے کیوں
خیــــــال چشــم ِ حــــزیں بار بار آتا ہے
ہَوا تو آتی ہے اِس دشتِ سـبزســارسے اب
اور اس کے ساتھ جو گرد و غبارآتا ہے
جگہ بناتی ہے اک پل میں بد گمانی’ دوست !
اور آتے آتے کہیں اعتبــــــــار آتا ہے
یہ چھاؤنی سی جو چھائی ہےباد و باراں کی
کہـــاں سے ہو کے دلوں کا غبار آتا ہے
کہاں سے بہتی چلی آ رہی ہے جُــوے ملال
کہاں سے دیدہ ء شب ۔۔۔۔ اشک بار آتا ہے
( اشـــرفـــــــؔ یُــوسُــفی )